Ӧксыяслӧн 3 небӧг 2:22 - Коми Библия 2023

²² Соломон ӧксы вочавидзис мамыслы: «Мыйла тэ коран Адонийлы шунемса Ависагаӧс? Нӧшта кор сылы и ӧксыалӧм, сійӧ ӧд менам ыджыдджык вок, и сы дор тшӧтш Авиатар поп да Саруялӧн Йоав пиыс [тышкайӧзӧн веськӧдлысь, сылӧн ёртыс]».

Ӧксыяслӧн 3 небӧг 2:22 Kruisverwysings

Ӧксыяслӧн 2 небӧг 12:8

Сеті тэныд аслад ыджыдлысь керкасӧ да сылысь гӧтыръяссӧ, тшӧтш Израиль да Иуда войтырӧс. И этша кӧ тайӧ вӧлі, нӧшта на эськӧ содті.

Ӧксыяслӧн 2 небӧг 16:21

Ахитофел вӧзйис: «Пыр батьыдлӧн кесйӧг-гӧтыръяс дінӧ, кодъясӧс сійӧ колис керка бӧрсяыс видзӧдны. Кор Израиль войтыр тӧдмалас, мый тэ вӧчин, гӧгӧрвоас, мый батьыд некор оз бурась тэкӧд. Сэки тэ дор сулалысьяс збойджыкӧсь лоасны».

Ӧксыяслӧн 3 небӧг 1:11

Нафан шуис Вирсавиялы, Соломонлӧн мамлы: «Тэ кывлін, мый Агиталӧн Адоний пиыс пуксьӧма ӧксыӧ, а Давид ыджыдным оз и тӧд та йылысь?

Ӧксыяслӧн 3 небӧг 2:15

Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь.

1 Каднебӧг 3:2

Коймӧдсӧ, Авессаломӧс, чужтіс Маака, гешурса Талмай ӧксылӧн нылыс. Нёльӧдсӧ, Адонийӧс, чужтіс Агита;

1 Каднебӧг 3:5

Ерусалимын сылӧн чужисны Шимей, Шовав, Нафан да Соломон. Тайӧ нёльнан писӧ чужтіс Вирсавия, Аммиэллӧн нылыс.

Матвей 20:22

Исус шуис: «Онӧ тӧдӧй, мый коранныд. Верманныд-ӧ юны Меным дасьтӧм чашасӧ да Менам пыртчӧмӧн пыртчыны?» Найӧ вочавидзисны: «Вермам».

Марк 10:38

Исус шуис налы: «Онӧ тӧдӧй, мый коранныд. Верманныд-ӧ юны Менсьым чашаӧс да Менам пыртчӧмӧн пыртчыны?»

Яков 4:3

А коранныд кӧ, тіянлы оз ло сетӧма, ӧд ті онӧ бур вылӧ корӧй. Ті кӧсъянныд могмӧдны сӧмын ассьыныд ыштӧмтӧ.