Ӧксыяслӧн 3 небӧг 1:25 - Коми Библия 2023

²⁵ Талун сійӧ мунӧма да вись вайӧм могысь начкӧма уна ӧшкӧс, куканьӧс да ыжӧс. Корӧма сэтчӧ, ӧксыӧй, став тэнсьыд пиянтӧ, тышкайӧзӧн веськӧдлысьясӧс да Авиатар попӧс. Ӧні найӧ ставныс сёйӧны-юӧны да шуалӧны: ”Мед олас Адоний ӧксы!”

Ӧксыяслӧн 3 небӧг 1:25 Kruisverwysings

Ӧксыяслӧн 2 небӧг 16:16

Аркиысь Хушай, Давидлӧн ёртыс, локтіс Авессалом дінӧ да шуис сылы: «Мед олас ӧксы! Мед олас ӧксы!»

Ӧксыяслӧн 3 небӧг 1:19

Вись вайӧм могысь сійӧ начкӧма уна ӧшкӧс, куканьӧс да ыжӧс. Корӧма Авиатар попӧс, тышкайӧзӧн веськӧдлысь Йоавӧс да тэнсьыд пиянтӧ. Но тэнсьыд Соломон питӧ, коді кесъялӧ тэныд, сійӧ абу корӧма.

Ӧксыяслӧн 3 небӧг 1:24

шуис сылы: «Ӧксыӧй-ыджыдӧй, збыльысь-ӧ тэ шулін, мый Адоний лоӧ ӧксыӧн тэ бӧрти да пуксяс тэнад юралан пуклӧсӧ?

Ӧксыяслӧн 3 небӧг 1:34

Сэні Садок поп да Нафан пророк мед мавтыштӧмӧн пуктасны сійӧс ӧксыӧ Израильлы. Сэсся буксан шы улӧ гораа горзӧй: ”Мед олас Соломон ӧксы!”

Ӧксыяслӧн 3 небӧг 1:39

Садок поплӧн вӧлі вежа чомйысь босьтӧм вый тыра доз. Сійӧ мавтыштіс Соломонӧс. Буксан шы улӧ став войтырыс гораа горзіс: «Мед олас Соломон ӧксы!»

Ӧксыяслӧн 3 небӧг 1:9

Рогель ва петанінсянь матын Зохелет из дорын Адоний начкис ыжъясӧс, ӧшъясӧс да тшӧгӧдӧм куканьясӧс вись вайӧм могысь. Корис сэтчӧ ассьыс вокъяссӧ – ӧксылысь пиянсӧ – да Иуда му пасьталаысь ӧксылысь чина йӧзсӧ.

Ӧксыяслӧн 3 небӧг 2:15

Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь.

Ӧксыяслӧн 4 небӧг 11:12

Иодай поп петкӧдіс ӧксылысь Йоас писӧ крамысь, пуктіс сылы юр вылас юркытш да сетіс сылы Индӧд небӧг. Сэсся пуктісны сійӧс ӧксыӧ да мавтыштісны. Войтырыс кинаныс клопайтӧмӧн горзіс: «Мед олас ӧксы!»

Ӧксыяслӧн 4 небӧг 11:14

Сэні аддзис, мый джуджыд пос вылын сулалӧ ӧксы. Сыкӧд орччӧн сулалісны тышкайӧзӧн веськӧдлысьяс да трубаӧн ворсысьяс. Став войтырыс нимкодясис да тутсіс трубаясӧ. Сэки Аталия косяліс ассьыс паськӧмсӧ да горӧдіс: «Вузалісны! Менӧ вузалісны!»

Ӧксыяслӧн 4 небӧг 9:13

Веськӧдлысьяс дзик пыр пӧрччисны вылыс паськӧмнысӧ да вольсалісны сод тшупӧдъяс вылӧ Ехулы кок улас. Сэсся букӧстісны буксанӧн да горӧдісны: «Еху – миян ӧксы!»

1 Каднебӧг 29:13

Миян Енмӧй, ӧні ми аттьӧалам да ошкам Тэнсьыд дзирдлуна нимтӧ.

1 Каднебӧг 29:21

Мӧд луннас вайисны Господьлы сотан да мукӧд висьяс: сюрс ӧшкӧс, сюрс межӧс да сюрс ыжӧс. Нӧшта вайисны вина висьяс да став Израиль вӧсна уна мукӧд вись.

2 Каднебӧг 23:11

Ӧксылысь Йоас писӧ петкӧдісны крамысь, пуктісны сылы юр вылас юркытш да сетісны сылы Индӧд небӧг. Сэсся пуктісны сійӧс ӧксыӧ. Иодай поп да сылӧн пияныс мавтыштісны Йоасӧс. Войтырыс горзіс: «Мед олас ӧксы!»

Матвей 21:9

Водзас да бӧрас мунысьяс горзісны: – Осанна! Ошкӧм Давид Пилы! Бурсиӧма Господь нимӧн Локтысьӧс! Ошкӧм Медвылыссалы!

Матвей 22:4

Ӧксы бара мӧдӧдас мукӧд кесйӧгъясӧс да тшӧктас висьтавны корӧмаяслы: ”Сёян-юан менам дасьтӧма, ӧшъяс-куканьяс начкӧма, ставыс дась. Локтӧй кӧлысясьны!”

Лука 19:38

Найӧ шуалісны: – Бурсиӧма Господь нимӧн локтысь Ӧксыӧс! Лӧнь олӧм енэжын, ошкӧм Медвылыссалы!

Ӧксыяслӧн 1 небӧг 10:24

Самуил шуис став Израиль войтырлы: «Аддзанныд, кодӧс бӧрйис Господь? Войтыр пӧвстаным мӧдыс сы кодьыс абу». Сэки став йӧзыс гораа горӧдісны: «Мед олас ӧксы!»