Ӧксыяслӧн 1 небӧг 5:10 - Коми Библия 2023

¹⁰ Сэтысь мӧдӧдісны Енлысь кудсӧ Экрон карӧ. Сэтчӧс олысьяс пондісны шуасьны-горзыны: «Мыйла ті вайинныд татчӧ Израиль Енлысь кудсӧ? Мед вины-бырӧдны миянӧс?»

Ӧксыяслӧн 1 небӧг 5:10 Kruisverwysings

Ӧксыяслӧн 2 небӧг 7:9

Ме вӧлі тэкӧд быдлаын, кытчӧ тэ ветлін. Ме бырӧді тэ водзысь вӧрӧгтӧ. Ӧні Ме нимӧда тэнӧ, кыпӧда тэнӧ мувывса нималана йӧзысь вылӧджык на.

Ӧксыяслӧн 4 небӧг 1:2

Самарияын олігас Ахазий аслас керкаын усис вылі судта ӧшиньӧдыс да ёна доймис. Сійӧ корис ассьыс йӧзсӧ да шуис: «Ветлӧй экронса Ваал-Зевув ен дінӧ да юалӧй, бурда-ӧ ме тайӧ доймӧмсьыс?» [Мӧдӧдӧмаяс мунісны.]

1 Каднебӧг 7:21

Тахатлӧн – Завад, Завадлӧн – Шутелах. Чужӧмсяньныс Гефын олысьяс виисны Ефремлысь Эзер да Элеад пиянсӧ, кор найӧ мунісны мырддьыны гефсаяслысь ыж-мӧссӧ.

Амос 1:8

Бырӧда Азотын юралысьӧс, Аскалонын юралан бедьсӧ кутысьӧс. Экрон вылӧ киӧс лэпта, и филистимсалӧн колясыс бырас, – висьталӧ Господь Ыджыдыс.

Амос 6:2

Мунӧй Калне карӧ да видзӧдлӧй, сэтысянь мунӧй ыджыд Хамат карӧ, лэччӧй филистимса Геф карӧ. Ті ӧд наысь абу ёнджыкӧсь. Налӧн ӧмӧй муныс тіянысь ыджыдджык?

Нав Исус 13:3

мый пырӧны Ханаан муӧ да паськӧдчӧны Египет мудорын визувтысь Шихор юсянь войвылӧ Экрон карӧдз. Тайӧ му вылас ыджыдалӧны филистимса вит юралысь: газаса, азотса, аскалонса, гефса да экронса юралысьяс. Сэні ыджыдалӧны тшӧтш аввейяс,

Нав Исус 15:11

Сэсянь мудорыс мунӧ Экрон войвывладорті да бергӧдчӧ Шикаронлань, сэсся вуджӧ Баала керӧс вомӧн, воӧ Явнеэлӧ да помасьӧ Ыджыд саридз дорын. Ыджыд саридзыс лоӧ рытыввыв мудорнас.

Нав Исус 15:45

Иуда чужанкотырлы вичмисны Экрон кар да сыгӧгӧрса сиктъяс,

Ёрдысьяс 1:18

Иуда чужанкотыр босьтіс нӧшта Газа, Аскалон да Экрон каръяс нагӧгӧрса муясӧн [да Азот кар сыгӧгӧрса муӧн].

Ӧксыяслӧн 1 небӧг 17:52

Сэки Израиль войтырысь да Иуда чужанкотырысь тышкайӧз пондісны гораа горзӧмӧн вӧтӧдны найӧс. Вӧтчисны ковтысӧдз да Экрон карса дзиръя дорӧдз. Филистимсаяслӧн шойыс туплясис Шаараим туй пӧлӧн Гефӧдз да Экронӧдз.

Ӧксыяслӧн 1 небӧг 5:11

Сэсся чукӧртісны филистимса став юралысьсӧ да шуисны: «Бӧр нуӧй Израиль Енлысь кудсӧ, кытысь босьтінныд. Тані сійӧ ставнымӧс бырӧдас». Экронын олысьяс зэв ёна полісны, ӧд [Израиль Енлысь кудсӧ вайӧм бӧрын] Ен чорыда мыждіс найӧс.

Ӧксыяслӧн 1 небӧг 5:9

Сэтчӧ вайӧм бӧрын Господь кутіс мыждыны и тайӧ карсӧ. Ставныс шызисны. Йӧзсӧ полӧм босьтіс. Господь чорыда дойдаліс гырысьӧс и посниӧс, ставныс найӧ мылльӧссисны.

Ӧксыяслӧн 1 небӧг 6:1

Сизим тӧлысь чӧж Господьлӧн кудйыс вӧлі Филистим муын. [Муыс тырис крысаясӧн.]