Ӧксыяслӧн 1 небӧг 10:1 - Коми Библия 2023

¹ Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 10:1 Kruisverwysings

Ӧксыяслӧн 2 небӧг 1:14

Давид шуис сылы: «Кыдзи тэ лысьтін лэптыны китӧ, медым вины Господьлысь мавтыштӧмасӧ?»

Ӧксыяслӧн 2 небӧг 19:39

Сэсся став йӧзыс ӧксыкӧд вуджисны Йӧрдан ю сайӧ. Янсӧдчигас ӧксы окыштіс Барзиллайӧс да бурсиис сійӧс, и мӧдыс бӧр муніс гортас.

Ӧксыяслӧн 2 небӧг 20:19

Ми лӧня олам асланым Израиль войтыр пӧвстын, ми эсканаӧсь. Тайӧ карыс – израильса [каръяслӧн] мам, а тэ кӧсъян бырӧдны сійӧс! Мыйла тэныд бырӧдны сійӧ, мый Господьлӧн?»

Ӧксыяслӧн 2 небӧг 5:2

Водзын, кор Саул вӧлі миян ӧксыӧн, Израиль войтыркӧд тэ ветлывлін тышъясӧ. Господь шуліс тэныд: ”Тэ кутан видзны Менсьым Израиль войтырӧс да лоан налы юралысьӧн”».

Ӧксыяслӧн 3 небӧг 1:34

Сэні Садок поп да Нафан пророк мед мавтыштӧмӧн пуктасны сійӧс ӧксыӧ Израильлы. Сэсся буксан шы улӧ гораа горзӧй: ”Мед олас Соломон ӧксы!”

Ӧксыяслӧн 3 небӧг 19:18

Израиль войтыр пӧвстысь Ме коля ловйӧн сизим сюрс мортӧс, кодъяс эз пидзӧсчанясьны Ваал водзӧ да эз окавны сійӧс».

Ӧксыяслӧн 4 небӧг 20:5

«Бӧр бергӧдчы да висьтав Езекейлы, Менам войтырлӧн юралысьлы, мый Господь, Давид пӧльыдлӧн Ен, тадзи висьталӧ: ”Ме кылі тэнсьыд кевмӧмтӧ да аддзи тэнсьыд синватӧ. Ме бурдӧда тэнӧ. Кык лун мысти тэ мунан Господьлӧн крамӧ.

Ӧксыяслӧн 4 небӧг 9:1

Елисей пророк корис ӧти пророк-велӧдчысьӧс да шуис сылы: «Вӧнясь, босьт тайӧ вый тыра дозсӧ да мун галаадса Рамот карӧ.

Ӧксыяслӧн 4 небӧг 9:12

«Тэ ылӧдлан миянӧс, – шуисны веськӧдлысьяс. – Висьтав миянлы збыльсӧ». Сэки Еху висьталіс налы, мый пророк-велӧдчысь шуис сылы. Нӧшта содтіс: «Сійӧ висьталіс меным, Господь пӧ тадзи висьталӧ: ”Ме мавтышта тэнӧ ӧксыӧ Израиль войтырлы”».

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Петӧм 30:23

«Босьт медчӧскыд ӧвтанторъяс: витсё сикель кизьӧр смирна, сыысь кык пӧв этшаджык чӧскыда ӧвтысь корица, тшӧтш кыксё ветымын сикель чӧскыд дука турун,

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Езекиль 16:13

Тэ зарниӧн да эзысьӧн мичмӧдчин, вӧсни шабді, шӧвк да серлӧдлӧм паськӧмӧ пасьтасин. Тэ сёйин медбур шобді нянь, ма да олив вый. Тэ вӧлін вывті мича, вӧлін ӧксы-ань кодь.

Осий 13:2

Водзӧ мыж вӧчӧ Ефрем, сывдӧ аслыс эзысь бӧлбанъясӧс, аслас мывкыд серти вӧчӧ идолъясӧс – ставыс тайӧ дорччысьлӧн удж. Вись вайысьяс йылысь шуалӧны, найӧ пӧ ӧшсӧ окалӧны.

Ап. уджъяс 13:21

Сэсся найӧ корисны ӧксыӧс, сэки Енмыс сетіс налы Саулӧс, Венямин чужанкотырысь Кислысь писӧ. Сійӧ веськӧдліс нелямын во чӧж.

Индӧд 32:9

Израиль войтыр – Господьлӧн юкӧныс, Яковсянь чужысьяс – Сылӧн пайыс.

1 Фессалоникаӧ 5:26

Чолӧмалӧй вокъясӧс вежа окыштӧмӧн.

Еврейяслы 2:10

Енмыс, кодсянь ставыс эм да кодлы ставыс, кӧсйӧ уна ныв-пиӧс вайӧдны Аслас дзирдлунӧ. Та вӧсна Исуслы, мездмӧмас Нуӧдысьлы, Енмыс лэдзис нуны сьӧкыдсӧ, медым Сы пыр помӧдз вайӧдны Ассьыс мӧвпыштӧмсӧ.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».

Ӧксыяслӧн 1 небӧг 13:14

Но ӧні тэнад ӧксыалӧмыд оз ло дыр. Господь корсяс Аслыс мортӧс сьӧлӧм сертиыс да пуктас сійӧс Аслас войтырлы юралысьӧ, ӧд тэ эн вӧч Господьлӧн тшӧктӧм серти».

Ӧксыяслӧн 1 небӧг 15:1

Самуил шуис Сауллы: «Господьлӧн тшӧктӧм серти ме мавтыштӧмӧн пукті тэнӧ Сылӧн Израиль войтырлы ӧксыӧ. Ӧні тэ кывзы Господьлысь кывсӧ.

Ӧксыяслӧн 1 небӧг 15:17

Самуил пондіс висьтавны: «Эн-ӧ тэ асьтӧ нинӧмӧ пукты, кор лоин Израиль чужанкотыръяслы юралысьӧн? Но Господь мавтыштіс тэнӧ да пуктіс ӧксыӧ Израиль войтырлы.

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».

Ӧксыяслӧн 1 небӧг 16:13

Самуил босьтіс вый тыра доз да мавтыштіс Давидӧс сылӧн вокъяс водзын. Сэки Господьлӧн Лов лэччис Давид вылӧ и сійӧ лунсяньыс вӧлі Давидкӧд. Сэсся Самуил бӧр муніс Рама карӧ.

Ӧксыяслӧн 1 небӧг 2:10

Господь бырӧдас Сылы паныд кыпӧдчысьясӧс, енэжсянь гымыштас на вылӧ. [Господь вежа. Мывкыда морт мед оз ошйысь аслас мывкыдлунӧн, вына мед оз ошйысь аслас вынӧн, озыр мед оз ошйысь аслас озырлунӧн. Но ошйысьысь мед ошйысьӧ сыӧн, мый гӧгӧрвоӧ да тӧдӧ Господьӧс.] Господь мыждас муюгыдын олысьясӧс. Сійӧ вынсьӧдас ӧксыӧс, кодӧс бӧрйис, Ассьыс мавтыштӧмаӧс вылӧ кыпӧдас.

Ӧксыяслӧн 1 небӧг 24:6

Но Давидлы сьӧкыд лои сьӧлӧм вылас таысь.

Ӧксыяслӧн 1 небӧг 26:11

Босьт сылӧн юр дорысь шысӧ да ва тыра дозсӧ. Мунам татысь».

Ӧксыяслӧн 1 небӧг 26:9

Давид шуис Авишайлы: «Эн ви сійӧс! Господьлӧн мавтыштӧма вылӧ ки лэптысь оз коль мыждытӧг.

Ӧксыяслӧн 1 небӧг 8:19

Израиль войтыр эз кӧсйы кывзыны Самуилӧс, найӧ шуисны: «Мед ӧксы ыджыдалас миян вылын.

Ӧксыяслӧн 1 небӧг 8:9

Вӧч налӧн корӧм серти. Но ӧлӧд найӧс да висьтав, мый вӧчас налы ӧксы, коді кутас ыджыдавны на вылын».

Ӧксыяслӧн 1 небӧг 9:16

«Аски тайӧ кадас Ме мӧдӧда тэ дінӧ Венямин муысь мортӧс. Тэ мавтышт сійӧс, пукты юралысьӧ Менам Израиль войтырлы. Сійӧ мездас Менсьым войтырӧс филистимсаяслӧн киысь, ӧд Ме видзӧдлі Аслам войтыр вылӧ да кылі налысь ойзӧмсӧ».

Ӧксыяслӧн 1 небӧг 9:27

Кар помас воигӧн Самуил шуис Сауллы: «Шу кесйӧгыдлы, мед водзӧ мунас». Кесйӧг муніс водзӧ. Сэки Самуил шуис: «Саул, сувтыштлы. Ме висьтала тэныд, мый шуис Ен».