Неемий 9:32 - Коми Библия 2023

³² Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Неемий 9:32 Kruisverwysings

Ӧксыяслӧн 3 небӧг 8:23

да шуис: «Господьӧй, Израильлӧн Енмӧй! Тэ кодь мӧд енмыс абу енэжас ни му вылас! Тэ видзан кӧрталӧм йитӧдтӧ да буралӧмтӧ Аслад кесйӧгъясыд дінӧ, кодъяс став сьӧлӧмсяньыс олӧны Тэнад кӧсйӧм серти.

Ӧксыяслӧн 4 небӧг 15:19

Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 17:23

кытчӧдз Господь эз вешты найӧс Аслас чужӧмбан водзысь. Та йылысь Сійӧ водзвыв висьтавліс пророкъяс пыр, кодъяс кесъялісны Сылы. Израильсаясӧс вӧлі нуӧдӧма асланыс муысь Ассурӧ, кӧні найӧ ӧнӧдз олӧны.

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 23:29

Иосейлӧн ӧксыалігӧн Неко фараон, египетса ӧксы, мӧдӧдчис Ефрат ю дорӧ ассурса ӧксылы отсӧг вылӧ. Иосей ӧксы петіс фараонлы паныд тышӧ, но Мегиддо кар дорын фараон виис сійӧс.

Ӧксыяслӧн 4 небӧг 25:7

Седекейлысь пиянсӧ виисны сылӧн син водзын. Сэсся вавилонса ӧксы бытшкис Седекейлысь кыкнан синсӧ, дорис сійӧс ыргӧн чепъясӧн да нуӧдіс Вавилонӧ.

Ездра 4:10

нӧшта мукӧд войтыр пӧвстысь йӧз. Коркӧ тайӧ войтыръяссӧ вайӧдіс да овмӧдіс самарияса каръясӧ да Авар-Нахара муӧ вына да нималана Аснафар [Сеннахирим]».

Ездра 4:2

Найӧ локтісны Зоровавель да рӧдкутысьяс дінӧ да шуисны: «Лэдзӧй миянлы тіянкӧд ӧтвыв лэптыны крамсӧ, ӧд ми тіян моз юрбитам тіян Енлы. Сійӧ кадсяньыс, кор ассурса Асардан ӧксы вайис миянӧс татчӧ, ми вись ваям тіян Енлы».

Ездра 9:13

Ми ёна сьӧкыдалім лёк уджъясным да ыджыд мыжным вӧсна. Но Тэ, миян Енмӧй, чорыда мыждӧм пыдди бурсьӧлӧмтчин миян дінӧ да мездін тайӧ коляс войтырсӧ.

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Псалтыр 47:2

Господь ыджыд! Ёна ошкӧй миянлысь Еннымӧс Сылӧн карын, Сылӧн вежа керӧс вылын!

Псалтыр 66:3

Сэки му вылын олысьяс тӧдмаласны Тэнсьыд туйтӧ, войтыръяс пӧвстын тӧдмаласны Тэнсьыд мездӧмтӧ.

Псалтыр 66:5

Войтыръяс мед гажӧдчасны-нимкодясясны, ӧд Тэ веськыда мыждан найӧс, Тэ веськӧдлан мувывса чужанкотыръясӧн.

Петӧм 18:8

Мӧисей висьталіс тесьтыслы ставсӧ, мый Господь вӧчис фараонлы да Египетлы Израиль вӧсна. Висьталіс, кутшӧм сьӧкыдлунъяс вӧліны налӧн туяныс, да кыдзи Господь мездіс найӧс [фараон да египетса киысь].

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Даниил 9:4

Ме кевмыси Господьлы, аслам Енлы, да висьтаси Сылы: «Господьӧй Енмӧй, Тэ ыджыд да повзьӧдана, Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Даниил 9:6

Ми эгӧ кывзӧй Тэныд кесъялысь пророкъясӧс, кодъяс шыасьлісны Тэнад нимӧн миян ӧксыяс дінӧ, юралысь-веськӧдлысьяс дінӧ, миян батьяс дінӧ да миян муын олысь став войтырыс дінӧ.

Даниил 9:8

Господьӧй, миянлы, миян ӧксыяслы, юралысь-веськӧдлысьяслы да миян батьяслы юръяндзим, ӧд ми мыж вӧчим Тэныд паныд.

Левит 26:18

Весиг та бӧрын кӧ ті онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Левит 26:21

Весиг та бӧрын кӧ ті Меным паныд сувтанныд да онӧ кутӧй кывзысьны Менсьым, Ме сизим пӧвстӧн мыжда тіянӧс мыжъяссьыныд.

Левит 26:24

Ме тшӧтш [скӧрмӧмӧн] тіянлы паныд сувта, сизим пӧвстӧн мыжда тіянӧс мыжъяссьыныд.

Левит 26:28

Ме скӧрмӧмӧн тіянлы паныд сувта да сизим пӧвстӧн мыжда тіянӧс мыжъяссьыныд.

Индӧд 7:12

Ті кӧ кутанныд кывзысьны да овны тайӧ тшӧктӧмъясыс серти, сэки Господь, тіян Енныд, тіянкӧд кӧрталӧм йитӧдсӧ оз торк да оз босьт Ассьыс буралӧмсӧ, мый йылысь кыв сетіс тіян батьяслы.

Индӧд 7:13

Сійӧ пондас радейтны тіянӧс да бурсины тіянӧс, сетас тіянлы уна ныв-пи. Сійӧ бурсиас тіянсянь чужысьясӧс, тіянлысь мувыв быдтастӧ, няньтӧ, винатӧ, олив выйтӧ да ыж-мӧстӧ сійӧ муас, мый тіян батьяслы кыв сетӧмӧн кӧсйысис сетны тіянлы.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.

Индӧд 7:9

Тӧдӧй, мый Господь, тіян Енныд, эм Ен. Сійӧ эскана Ен. Сійӧ видзӧ [Ассьыс] йитӧдсӧ сюрс чужанвужйӧдз. Сійӧ оз босьт Ассьыс буралӧмсӧ на дінысь, кодъяс радейтӧны Сійӧс да олӧны Сылӧн тшӧктӧмъяс серти.