Неемий 9:27 - Коми Библия 2023

²⁷ та вӧсна Тэ сетін найӧс мустӧмтысьяс киӧ, кодъяс дзескӧдісны найӧс. Но сьӧкыд кад дырйи найӧ горзӧмӧн шыасьлісны Тэ дінӧ, и Тэ кылін найӧс енэжсяньыс, Аслад ыджыд буралӧмыд вӧсна ыстылін дорйысьясӧс, кодъяс мездылісны найӧс дзескӧдысьясысь.

Неемий 9:27 Kruisverwysings

Ӧксыяслӧн 4 небӧг 13:5

Господь сетіс мездысьӧс Израиль войтырлы, и найӧ мынісны арамейяслӧн кипод улысь. Израиль войтыр воддза мозыс лӧня пондіс овны аслас муын.

Ӧксыяслӧн 4 небӧг 14:27

Но Господь эз кӧсйы дзикӧдз бырӧдны Израиль войтырӧс енэж увсьыс, та вӧсна мездіс найӧс Йоаслӧн Еровам пиыс пыр.

Ӧксыяслӧн 4 небӧг 17:20

Господь бергӧдчис Израильлӧн став чужанкотырысь, ыстіс налы уна шог да сетіс найӧс куштысь-мырддялысьяс киӧ. Сійӧ вӧтліс найӧс Аслас чужӧмбан водзысь.

Ӧксыяслӧн 4 небӧг 17:39

Полӧй Господьысь, асланыд Енмысь, и Сійӧ мездас тіянӧс вӧрӧгныдлӧн киысь».

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Неемий 9:19

но Тэ вӧлін на дінӧ бур сьӧлӧма, Тэ эн эновт найӧс овтӧминын. Луннас кымӧр сюръя эз вешйыв на дінысь, а нуӧдіс найӧс, войнас биа сюръя югзьӧдіс налысь туйсӧ, кыті налы колӧ вӧлі мунны.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Авдий 1:21

Вермысьяс каясны Сион керӧс вылӧ, медым ыджыдавны Исав керӧс вылын. И Господь лоас сэні ӧксыӧн.

Ёрдысьяс 2:18

Господь сувтӧдліс налы ёрдысьясӧс, и Ачыс вӧлі быд ёрдыськӧд. Господь мездывліс войтырсӧ вӧрӧг киысь ёрдысьлӧн олан кад чӧжыс. Ӧд Господьлӧн сьӧлӧмыс нормывліс войтырыслысь дзескӧдӧм вӧсна ойзӧмсӧ кылігӧн.