Неемий 8:8 - Коми Библия 2023

⁸ Найӧ ясыда лыддисны Енлысь Индӧдсӧ да восьтісны гижӧдыслысь вежӧртассӧ. Йӧзыс гӧгӧрвоисны лыддьӧмасӧ.

Неемий 8:8 Kruisverwysings

Ӧксыяслӧн 4 небӧг 23:2

Сэсся ӧксы муніс Господьлӧн крамӧ. Сыкӧд тшӧтш мунісны Иуда войтыр да Ерусалимын олысьяс, попъяс да пророкъяс – муніс став войтырыс, том и пӧрысь. Ӧксы гораа лыддис ставнас Йитӧд небӧгсӧ, мый аддзисны Господьлӧн крамысь.

Ездра 4:18

Тіянлысь мӧдӧдӧм гижӧднытӧ меным вуджӧдісны да лыддисны.

Неемий 8:12

Войтырыс муніс сёйны-юны, тшӧтш мукӧдӧс на чӧсмӧдлісны. Найӧ гажӧдчисны ёна нимкодясьӧмӧн, ӧд гӧгӧрвоисны налы шуӧм кывъяссӧ.

Неемий 8:7

Кор войтырыс сулаліс, Исус, Бани, Шеревий, Ямин, Аккув, Шаббетай, Ходий, Маасей, Келит, Азарий, Иозавад, Ханан да Фелай левитъяс гӧгӧрвоӧдісны Индӧдсӧ.

Неемий 8:9

Индӧдсӧ кывзігӧн став войтырыс бӧрдіс. Сэки Неемий юралысь, Индӧдӧ велӧдысь Ездра поп да войтырсӧ велӧдысь левитъяс шуисны кывзысьяслы: «Тайӧ лунсӧ вежӧдӧма Господьлы, тіян Енлы. Энӧ шогсьӧй да энӧ бӧрдӧй.

Неемий 9:3

Найӧ сулалісны куим час чӧж, кор налы лыддисны Господь Енлысь Индӧдсӧ. Сэсся найӧ куим час чӧж копыртчӧмӧн висьтасисны мыжъяссьыныс Господьлы, асланыс Енлы.

Езекиль 46:10

Ӧксылы колӧ пырны и петны войтырыскӧд ӧтлаын.

Аввакум 2:2

Господь вочавидзис меным: – Гиж тайӧ аддзылӧмсӧ изпӧвъяс вылӧ, гиж ясыда, медым гижӧдсӧ позис кокньыда лыддьыны.

Лука 24:27

Мӧисей да пророк небӧгъяссянь Исус пондіс гӧгӧрвоӧдны налы став Гижӧдсьыс Ас йывсьыс шуӧмсӧ.

Лука 24:32

Сэки найӧ шуисны: «Эз-ӧ сьӧлӧмным ыпъяв, кор Сійӧ сёрнитіс миянкӧд туй вылын да гӧгӧрвоӧдіс миянлы Гижӧдсӧ?»

Лука 24:45

Сэки Исус восьтіс налысь вежӧрсӧ гӧгӧрвоны Гижӧдъяс.

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.