Неемий 8:6 - Коми Библия 2023

⁶ Ездра ошкис Господьӧс, ыджыд Енмӧс. А став войтырыс кинысӧ вывлань лэптӧмӧн шуаліс: «Аминь! Аминь!» Сэсся найӧ муӧдзыс копыртчӧмӧн юрбитісны Господьлы.

Неемий 8:6 Kruisverwysings

Олӧм 14:22

Но Ӧврам шуис содомса ӧксылы: «Лэпта киӧс Господьлань, енэжсӧ да мусӧ вӧчысь Медвылысса Енлань, да кыв сета,

Олӧм 24:26

Кесйӧг муӧдзыс копыртчӧмӧн юрбитіс Господьлы:

1 Каднебӧг 16:36

Ошкӧм Господьлы, Израильлӧн Енлы, нэмъяс чӧж! Став войтырыс шуис: «Аминь!» да ошкис Господьӧс.

1 Каднебӧг 29:10

Чукӧртчӧм йӧз водзын Давид ошкис Господьӧс: «Господьӧй, миян Израиль батьлӧн Енмӧй, мед лоӧ ошкӧма Тэнӧ нэмъяс чӧж.

1 Каднебӧг 29:20

Сэсся Давид шуис чукӧртчӧм йӧзлы: «Ошкӧй Господьӧс, ассьыныд Еннытӧ!» Йӧзыс ошкисны Господьӧс, асланыс батьяслысь Енсӧ, муӧдз копыртчисны Господьлы да ӧксылы.

2 Каднебӧг 20:18

Иосафат копыртчис муӧдзыс, став Иуда войтырыс да Ерусалимын олысьяс тшӧтш уськӧдчисны Господь водзӧ, медым юрбитны Сылы.

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

2 Каднебӧг 29:30

Езекей ӧксы да юралысьяс тшӧктісны левитъяслы ошкыны Господьӧс Давидлӧн да Асаф пророклӧн кывъясӧн. Левитъяс нимкодьпырысь ошкисны Господьӧс да копыртчӧмӧн юрбитісны Сылы.

2 Каднебӧг 6:4

Сійӧ шуис: «Ошкӧм Господьлы, Израильлӧн Енлы! Ӧні Господь збыльмӧдіс сійӧ, мый Аслас вомӧн кӧсйысьліс менам Давид батьлы. Господь шуліс:

Неемий 5:13

Сэсся ме пыркниті ассьым паськӧмӧс да шуи: «Тадзи Енмыс мед пыркнитас Аслас керкаысь да Аслас муысь быдӧнӧс, коді ассьыс кывсӧ оз кут. Тадзи сійӧс кушӧдз лоӧ пыркнитӧма». Став войтырыс шуис ”аминь” да ошкис Енмӧс. Ассьыныс кывсӧ найӧ кутісны.

Неемий 8:7

Кор войтырыс сулаліс, Исус, Бани, Шеревий, Ямин, Аккув, Шаббетай, Ходий, Маасей, Келит, Азарий, Иозавад, Ханан да Фелай левитъяс гӧгӧрвоӧдісны Индӧдсӧ.

Псалтыр 134:2

Ошкӧй Сійӧс, Господьлӧн крамын сулалысьяс, миян Енлӧн йӧръясын кесъялысьяс!

Псалтыр 141:2

Ме восьта Сылы ассьым сьӧлӧмӧс, висьтала Сылы ассьым шогӧс.

Псалтыр 28:2

Ошкӧй Господьлысь нимсӧ, копыртчӧй Господь водзӧ Сылӧн мича вежаинын!

Псалтыр 63:4

Ӧд найӧ лэчтӧны ассьыныс кывнысӧ шыпурт моз, налӧн сёрниыс – яда ньӧв лыйӧм кодь.

Псалтыр 95:3

Висьтавлӧй войтыръяслы Сылӧн дзирдлуныс йылысь, быд войтырлы – Сылӧн шензьӧдана уджъясыс йылысь.

Петӧм 12:27

вочавидзӧй налы: Господьлы тайӧ ыджыдлунся вись. Господь кор виаліс египетсаясӧс, Сійӧ муніс Израиль войтырлӧн керкаяс бокиті да ловйӧн колис миянлысь котыръясӧс». Тайӧс кылӧм бӧрын Израиль войтыр муӧдзыс копыртчӧмӧн юрбитіс Господьлы.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Еремей 28:6

Еремей пророк шуис: «Господь мед вӧчас дзик тадзи. Господь мед збыльмӧдас тэнсьыд пророкалӧмтӧ да Вавилонысь бӧр бергӧдас татчӧ Господьлӧн керкалысь дозмук-кӧлуйсӧ да пленӧ нуӧдӧмаясӧс.

Бӧрданкыв 3:41

Восьтамӧй сьӧлӧмнымӧс, лэптамӧй кинымӧс енэжын олысь Енлань.

Левит 9:24

Господьсянь петіс би да сотіс висьпуктанін вылысь сотан висьсӧ да госсӧ. Тайӧс аддзӧм бӧрын войтырыс нимкодьысла горӧдіс да кымынь уськӧдчис муӧ.

Матвей 26:39

Ачыс водзлань муныштіс да кымынь уськӧдчӧмӧн кевмысис: «Батьӧй, позьӧ кӧ, вешты Ме дінысь тайӧ чашасӧ. Сӧмын мед лоас Тэнад кӧсйӧм серти, а оз Менам».

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

1 Коринфӧ 14:16

Тэ кӧ кутан ошкыны Енсӧ сӧмын ловнад, сэки орччӧн сулалысь морт гӧгӧрвотӧгыс оз вермы шуны ”аминь” тэнад ошкӧм вылӧ. Сійӧ ӧд оз гӧгӧрво тэнсьыд висьталӧмтӧ.

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.

1 Тимофейлы 2:8

Ме кӧсъя, медым айулов быдлаын кевмысисны кинысӧ кыпӧдӧмӧн, сӧстӧм сьӧлӧмӧн, лӧгавтӧг да майшасьтӧг.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача

Восьтӧм 7:11

Сэки став анделыс, кодъяс кытшалісны юралан пуклӧссӧ, юрнуӧдысьясӧс да нёль ловъя олысьсӧ, кымынь уськӧдчисны пуклӧс водзӧ да копыртчылісны Енмыслы.