Неемий 7:1 - Коми Библия 2023

¹ Стенсӧ лэптӧм бӧрын да ӧдзӧсъяс пукталӧм бӧрын индісны дзиръя видзысьясӧс, сьылысьясӧс да левитъясӧс.

Неемий 7:1 Kruisverwysings

Ӧксыяслӧн 4 небӧг 7:10

Проказаӧн висьысьяс бӧр локтісны да висьталісны карса дзиръя видзысьяслы: «Ми вӧлім арамейяслӧн сувтанінын. Сэні весиг ӧти морт абу, оз кыв некутшӧм шы. Сӧмын домалӧм вӧв-осёлныс да эновтӧм чомъясныс сулалӧны сэні».

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

Ездра 3:8

Ерусалимӧ Енлӧн крам вӧчанінӧ локтӧмсянь мӧд во мӧд тӧлысьнас Шеалтиэллӧн Зоровавель пиыс да Иоседеклӧн Исус пиыс, нӧшта налӧн вокъясыс – попъяс да левитъяс – да пленысь Ерусалимӧ локтӧмаяс босьтчисны вӧчны крам. Уджнас веськӧдлыны пуктісны кызь арӧса да ыджыдджык арлыда левитъясӧс.

Неемий 10:39

Израиль войтыр моз левитъяслы колӧ вайны нянь, вина да олив вый – став ассьыныс вайӧмторнысӧ – жыръясӧ, кӧні видзӧны вежаинса дозмук-кӧлуй, и кӧні кесъялӧм дырйи олӧны попъяс, дзиръя видзысьяс да сьылысьяс. Ми огӧ эновтӧй миян Енлысь керкасӧ».

Неемий 11:3

Иуда муын мукӧд каръясын – быдӧн аслас карын да аслас овмӧсын – олісны израильсаяс, попъяс, левитъяс, крамбердса кесйӧгъяс да Соломонлӧн кесйӧгъяссянь чужысьяс. А Ерусалимын олісны Иуда муӧн юралысьяс,

Неемий 12:24

Левитъясӧн веськӧдлысьяснас вӧліны Хашавий, Шеревий, Кадмиэллӧн Исус пиыс да налӧн вокъяс, кодъяс вежласьӧмӧн сьылісны ошкана да аттьӧалана сьыланъяс Енлӧн морт Давидлӧн лӧсьӧдӧм серти.

Неемий 6:1

Санваллатлы, Товилы, араб войтырысь Гешемлы да мукӧд дзескӧдысьяслы кывсис, мый ме помалі лэптыны карса стен, и стенмын эз коль ни ӧти жугалӧмин. Сӧмын дзиръяясӧ абу на вӧлі пуктӧма ӧдзӧсъяс.

Неемий 6:15

Элул тӧлысьлӧн кызь витӧд лунӧ Ерусалимлысь стенсӧ вӧлі эштӧдӧма. Ветымын кык лунӧн вӧлі лэптӧма сійӧс.

Неемий 6:19

Найӧ висьтавлісны меным Товилӧн бур вӧчӧм йылысь, а сылы висьтавлісны менсьым шуӧмӧс. Тови аслас гижӧдъясӧн зілис повзьӧдлыны менӧ.