Неемий 6:6 - Коми Библия 2023

⁶ Сэтчӧ вӧлі гижӧма: «Войтыръяс пӧвстын сёрнитӧны, тшӧтш Гешем висьталӧ, мый тэ иудейяскӧд кӧсъян паныд кыпӧдчыны, та вӧсна ті и лэптінныд Ерусалимлысь стенъяссӧ. Нӧшта сёрнитӧны, мый тэ кӧсъян лоны налӧн ӧксыӧн.

Неемий 6:6 Kruisverwysings

Ездра 4:12

Юӧртам тэныд, ӧксыӧй, мый иудейяс, кодъяс мунісны тэ дорысь, локтісны миян дінӧ Ерусалимӧ. Ӧні найӧ лэптӧны лёкнас да шызьӧмнас тырӧм тайӧ карсӧ, кыпӧдӧны карса стенсӧ да дзоньталӧны подувсӧ.

Ездра 4:15

Корам видзӧдлыны воддза ӧксыяслысь казьтылан небӧгъяссӧ. Сэтысь тӧдмалан, мый тайӧ карыс, збыльысь, паныд кыпӧдчысьяслӧн кар, кысянь локтӧ лёкыс ӧксыяслы да налӧн муяслы. Тайӧ карас важысянь нин шызьӧм-гызьӧмыс мунӧ, та вӧсна и бырӧдӧма вӧлі сійӧс.

Неемий 2:19

Кор та йылысь кылісны хоронса Санваллат, аммон войтырысь Тови чина морт да Гешем араб, серамвыв лэптісны миянӧс. Найӧ увтыртӧмӧн шуалісны: «Мыйсяма уджӧ ті босьтчинныд? Он-ӧ ӧксылы паныд кыпӧдчӧй?»

Неемий 6:13

Найӧ медалісны сійӧс, мед менӧ повзьӧдны да мыжӧ уськӧдны. И ме кӧ вӧчи Шемайлӧн вӧзйӧм серти, найӧ эськӧ лёкӧдісны-янӧдісны менӧ.

Неемий 6:5

Витӧдысьсӧ Санваллат мӧдӧдіс ме дінӧ ассьыс кесйӧгсӧ восьса письмӧӧн.

Неемий 6:7

Тэ индӧмыд пророкъясӧс, медым найӧ Ерусалимын юӧртасны, мый тэ Иуда войтырлӧн ӧксы. Тайӧ юӧрыс воас Артаксеркс ӧксыӧдз. Сідзкӧ, лок, да ми сёрнитам та йылысь».

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Матвей 5:11

Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Иоан 19:13

Тайӧс кылӧм бӧрын Пилат петкӧдіс Исусӧс ывлаӧ, ачыс пуксис изэрдвывса мыждан пуклӧсӧ. Еврей ногӧн Изэрдыс шусис Габбата.

Римӧ 3:8

Гашкӧ, пондам вӧчны лёксӧ, мед вӧлі бур? Кодсюрӧ омӧльтӧны миянӧс да шуӧны, мый ми тадзи велӧдам. Татшӧмъяссӧ виччысьӧ веськыда мыждӧм.

2 Коринфӧ 6:8

Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.