Неемий 6:10 - Коми Библия 2023

¹⁰ Ме муні Мегетавель Делайлӧн Шемай пи ордӧ, коді вӧлі йигнасьӧма гортас. Сійӧ шуис меным: «Мунам Енлӧн керкаӧ, йигнасям крам пытшкас, ӧд тэнӧ вины локтасны, тавой локтасны».

Неемий 6:10 Kruisverwysings

Олӧм 36:39

Баал-Ханан кулӧм бӧрын пуксис ӧксыавны Хадад [Варадлӧн пиыс]. Сійӧ ӧксыаліс Пау карын. Сылӧн гӧтырыс вӧлі Матредлӧн Мегетавель нылыс, а Матред вӧлі Мезагавлӧн нылыс.

Ӧксыяслӧн 3 небӧг 6:5

Крам ортсыас, Вежаин да Вежасьыс-вежаин стенъяс бердӧ, сійӧ вӧчис жыръяс.

Ӧксыяслӧн 4 небӧг 11:3

Квайт во чӧж Йоасӧс дзеблалісны Ехошева дінын Господьлӧн крамын. Тайӧ кадас Иуда муын ӧксыаліс Аталия.

Ӧксыяслӧн 4 небӧг 9:8

Ахавлӧн рӧдыс бырас. Ме бырӧда Израильын Ахав рӧдысь став айуловсӧ ичӧтсянь ыджыдӧдз.

2 Каднебӧг 28:24

Енлӧн крамысь Ахаз чукӧртіс да жугліс став дозмук-кӧлуйсӧ, сэсся йигналіс Господьлӧн крамлысь ӧдзӧсъяссӧ. Ерусалим кар пасьтала сійӧ сувтӧдаліс ылӧг енъяслы висьпуктанінъяс.

2 Каднебӧг 29:3

Аслас медводдза ӧксыалан воӧ, медводдза тӧлысьнас, сійӧ восьтіс Господьлӧн крамлысь ӧдзӧсъяссӧ да дзоньталіс найӧс.

2 Каднебӧг 29:7

Найӧ йигналісны крам посводзлысь ӧдзӧсъяссӧ да кусӧдісны бияссӧ. Вежаинын найӧ эз тшынӧдны чӧскыд ӧвтанторъяс, эз вайны сотан висьяс Израильлӧн Енлы.

Ездра 10:31

Харим рӧдысь Элизер, Ишший, Малкий, Шемай, Симеон,

Ездра 8:16

Сэки ме кори Элизер, Ариэл, Шемай, Элнатан, Ярив, Элнатан, Нафан, Закар, Мешуллам веськӧдлысьясӧс, нӧшта Йоярив да Элнатан велӧдысьясӧс.

Неемий 6:12

Ме гӧгӧрвои, мый эз Ен сійӧс мӧдӧд, но Тови да Санваллат мынтысисны сылы пророкалӧмсьыс.

Псалтыр 12:2

Господьӧй, гашкӧ, Тэ дзикӧдз вунӧдін менӧ? Дыр-ӧ Тэ кутан тупкыны меысь Ассьыд чужӧмбантӧ?

Псалтыр 37:12

Дойясӧй вӧсна менам ёртъясӧй да муса йӧзӧй ылыстчисны меысь, менам матыссаяс ӧтдортчисны.

Шусьӧгъяс 11:9

Ентӧг олысь аслас вомнас дойдӧ-бырӧдӧ матыссасӧ, веськыда олысьӧс тӧдӧмлуныс мездӧ.

Еремей 36:5

Еремей шуис Баруклы: «Менӧ йӧртісны, ме ог вермы мунны Господьлӧн крамӧ.

Езекиль 3:24

Ме пытшкӧ пырис Лов да сувтӧдіс менӧ кок вылӧ. Сійӧ сёрнитіс мекӧд да шуис: «Мун да йигнась гортад.

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Матвей 7:15

«Видзӧй асьнытӧ ылӧгпророкъясысь. Найӧ локтӧны тіян дінӧ ыжъяс кодьӧн, а збыльвылас найӧ горш кӧинъяс.

Иоан 3:20

Лёксӧ вӧчысь мустӧмтӧ югыдсӧ. Сійӧ оз лок югыдас, медым сылӧн лёк уджъясыс эз йӧзасьны.

Ап. уджъяс 21:30

Став карыс шызис, йӧзыс локтӧмӧн локтісны. Павелӧс босьтісны да кыскисны крамсьыс ортсӧ, крам ӧдзӧсъяссӧ дзик пыр йигналісны.