Неемий 5:4 - Коми Библия 2023

⁴ Кодсюрӧ шуалісны: «Ми сетам ассьыным муяс да виноград йӧръяс, медым уджйӧзӧн босьтны сьӧм да мынтыны ӧксылы вот.

Неемий 5:4 Kruisverwysings

Ездра 4:13

Та вӧсна сетам тӧдны тэныд, ӧксыӧй: найӧ кӧ лэптасны карнысӧ да кыпӧдасны стенсӧ, сэки дугдасны мынтыны тэныд воттӧ. Тадзикӧн ӧксы кудйыд вермас кушмыны.

Ездра 4:20

Ерусалим вылын ыджыдалӧмаӧсь вына ӧксыяс. На улын вӧлӧма став Авар-Нахара муыс, и сэтчӧс олысьясыс налы мынтылӧмаӧсь вот.

Ездра 7:24

Нӧшта тшӧкта, мый оз ков босьтны вот попъяслысь, левитъяслысь, сьылысьяслысь, дзиръя видзысьяслысь, крамбердса кесйӧгъяслысь да мукӧдлысь, кодъяс уджалӧны Енлӧн крамын.

Неемий 5:3

Мӧдъяс шуалісны: «Уджйӧзным вӧсна миянлы колӧ сетны ассьыным муяс, виноград йӧръяс да керкаяс, медым тшыг кулӧмысь нянь ньӧбны».

Неемий 9:37

Тайӧ му вывсьыс быдтасыс вичмӧ ӧксыяслы, кодъясӧс Тэ пуктін ыджыдавны миян вылын асланым мыжъяс вӧсна. Миян вылын да ыж-мӧсным вылын найӧ ыджыдалӧны, кыдзи кӧсйӧны. Ми ёна сьӧкыдалам.

Шусьӧгъяс 22:7

Гӧль вылын ыджыдалӧ озыр, уджйӧза вылын – сылы водзӧсалысь.

Нав Исус 16:10

Ефремсянь чужысьяс эз вӧтлыны Гезерын олысь ханаансаясӧс, та вӧсна ӧнӧдз ханаансаяс олӧны Ефрем чужанкотыр пӧвстын да уджалӧмнас мынтӧны налы вот. [Бӧрынджык фараон, египетса ӧксы, босьтіс Гезер кар да сотіс сійӧс. Сэтысь виалісны ханаансаясӧс, перезейясӧс да мукӧд олысьясӧс. Фараон сетіс карсӧ аслас нывлы козин пыдди.]