Неемий 4:10 - Коми Библия 2023

¹⁰ Иуда войтыр кутіс элясьны, из-лӧп кыскалысьяс пӧ кок йывсьыныс усьӧны, сы мында пӧ уджыс. Ми пӧ огӧ вермӧй стентӧ водзӧ лэптыны.

Неемий 4:10 Kruisverwysings

2 Каднебӧг 2:18

На пиысь сизимдас сюрсӧс Соломон индіс кыскавны-ваявны изъяс, кӧкъямысдас сюрсӧс – керавны-перйыны изъяс, а куим сюрс квайтсё мортӧс индіс уджалысьяс бӧрся видзӧдны.

2 Каднебӧг 34:13

видзӧдісны из новлысьяс да мукӧд уджалысьяс бӧрся. Левитъяс пӧвстысь вӧліны тшӧтш гижалысьяс, чина йӧз да дзиръя видзысьяс.

Неемий 4:11

Миянӧс дзескӧдысьяс шуалісны, ерусалимса олысьяс пӧ оз и казявны да оз и тӧдлыны, кыдз ми тӧдлытӧг сувтам на шӧрӧ да виалам найӧс, тадзи сувтӧдам уджсӧ.

Неемий 4:2

Аслас йӧз водзын да самарияса тышкайӧз водзын сійӧ шуаліс: «Мый бара-й ноксьӧны тайӧ коньӧр иудейясыс-а? Чайтӧны, мый выльысь стенсӧ лэптасны? Пондасны бара висьяс вайны? Ӧти лунӧн, буракӧ, кӧсйӧны лэптыны? Кӧсйӧны бӧр ловзьӧдны сотчӧм изъяссӧ тайӧ пӧим чукӧрсьыс?»

Неемий 4:9

Но ми кевмысим асланым Енлы. Ми сувтӧдім йӧзӧс, медым найӧ лун и вой видзасны карнымӧс.

Езекиль 29:18

«Морт пиӧй, Тиркӧд тышкасигӧн вавилонса Навукодоносор ӧксы ёна уджӧдіс ассьыс тышкайӧзсӧ. Тышкайӧзлӧн юрсиныс гылалӧма, налысь пельпомнысӧ зыртӧма. Навукодоносорлы да сылӧн тышкайӧзыслы эз вичмы некутшӧм удждон Тиркӧд тышкасьӧмысь.

Аггей 1:2

«Господь Саваоф тадзи висьталӧ: тайӧ войтырыс шуалӧ, эз пӧ на во кадыс Господьлысь крамсӧ выльысь лэптыны».

Лыд 13:31

Калев лӧньӧдіс Мӧисейлы паныд горзысьясӧс. «Мунам да босьтам тайӧ мусӧ! – шуис сійӧ. – Ми вермам найӧс!»

Лыд 32:9

Эшкол ковтысӧ ветлӧм да мусӧ видзӧдалӧм бӧрын найӧ кутісны падмӧдны Израиль пиянӧс Господьӧн сетӧм муӧ мунӧмысь.