Неемий 3:8 - Коми Библия 2023

⁸ Водзӧ стенсӧ дзоньталіс Харгайлӧн Узиэл пиыс, эзысьысь вӧчасьысь. Сыкӧд орччӧн уджаліс Хананей, чӧскыд дука мавтас вӧчысь. Тайӧ йӧзыс лэптісны Ерусалимлысь стенсӧ Паськыд стенмӧдз.

Неемий 3:8 Kruisverwysings

Олӧм 50:2

Ӧсип тшӧктіс аслас кесйӧг бурдӧдысьяслы бальзамируйтны Израиль батьыслысь шойсӧ. Бурдӧдысьяс тадзи и вӧчисны.

Неемий 12:38

Мӧд сьылысь котырыс муніс шуйгавылӧ. Ме да джын войтырыс восьлалім на бӧрся стен вывті Пач башняӧдз. Сэсянь ми мунім Паськыд стенӧдз.

Петӧм 30:25

Мавтас вӧчысь моз ставсӧ тайӧс сорлалӧмӧн дасьты мавтыштан вежа вый.

Еклесиаст 10:1

Кулӧм гутъяс дукӧсьтӧны чӧскыда ӧвтысь мавтас, вежӧртӧмлуныс чышкыштӧ мывкыдлунсӧ да нималӧмсӧ.

Исай 46:6

Идолъяслы юрбитысьяс перйӧны зепсьыныс зарни, веситӧны вески вылын эзысь, медалӧны вӧчасьысьӧс, и сійӧ вӧчӧ таысь енмӧс. Сэсся найӧ уськӧдчӧны муас, копрасьӧны асланыс енлы.