Неемий 3:26 - Коми Библия 2023

²⁶ Офелын олысь крамбердса кесйӧгъяс лэптісны стенсӧ Ва дзиръя дорсянь асыввывлань да чурвидзысь башняӧдз.

Неемий 3:26 Kruisverwysings

1 Каднебӧг 9:2

Медводдзаясӧн Вавилонысь Израильӧ локтісны попъяс, левитъяс да крамбердса кесйӧгъяс. Найӧ овмӧдчисны асланыс му юкӧнӧ, асланыс карӧ.

2 Каднебӧг 27:3

Господьлӧн крам йӧрын Иотам вӧчис Вылыс дзиръя. Офелын, ерусалимса кар юкӧнын, сійӧ зумыдмӧдіс-дзоньталіс карса стенсӧ.

2 Каднебӧг 33:14

Та бӧрти Давид кар ортсыӧ, Офел гӧгӧр, Манассей кыпӧдіс зэв джуджыд стен Гихон ва петанінсянь рытыввылӧ Чери дзиръя дорӧдз. Иуда му пасьтала став изкарӧ сійӧ индіс тышкайӧзӧн веськӧдлысьясӧс.

Неемий 10:28

Мукӧдыс – попъяс, левитъяс, дзиръя видзысьяс, сьылысьяс, крамбердса кесйӧгъяс да найӧ, кодъяс тшӧтш торйӧдчисны мукӧд войтырысь, мед овны Енлӧн Индӧд серти, асланыс гӧтыръяскӧд да челядькӧд, кодъяс сяммисны гӧгӧрвоны –

Неемий 11:21

Крамбердса кесйӧгъяс олісны Офелын. Наӧн веськӧдлісны Цихай да Гишпай.

Неемий 12:37

Дзульк дзиръя дорті Давид карлӧн поскӧд найӧ кайисны карса стен вылӧ, сэсся мунісны Давид керка весьтӧд асыввылӧ Ва дзиръя дорӧдз.

Неемий 3:27

Ыджыд чурвидзысь башнясянь Офел стенмӧдз стенсӧ дзоньталісны Текояын олысьяс.

Неемий 8:1

Сизимӧд тӧлысьнас, кор Израиль войтыр оліс нин аслас каръясын, ставныс ӧтитӧг чукӧртчисны Ва дзиръялы паныда изэрд вылӧ. Индӧдӧ велӧдысь Ездраӧс корисны вайны Мӧисейлысь Индӧд, мый Господь сетіс Израиль войтырлы.

Неемий 8:16

Став йӧзыс ветлісны пу вожъясла да вӧчисны аслыныс чомъяс. Сувтӧдалісны чомъяснысӧ асланыс керка вевт вылӧ, олан йӧръясаныс да Енлӧн крам йӧрӧ, тшӧтш Ва дзиръя да Ефрем дзиръя дорӧ изэрд вылӧ.

Неемий 8:3

Ва дзиръя дорын изэрд вылын шонді петӧмсянь луншӧр кадӧдз Ездра лыддис Индӧдсӧ айуловлы да аньяслы – ставныслы, кодъяс сяммисны гӧгӧрвоны. Став войтырыс сюся кывзіс.

Исай 32:14

ӧд ӧксылысь керкасӧ лоӧ эновтӧма, ыджыд шыа карсӧ лоӧ кольӧма. Керӧс вылын сулалысь изкар пыр кежлӧ лоӧ вӧлявывса осёлъяслы сайӧдчанінӧн, тайӧ керӧс вылын кутасны йирсьыны ыж-мӧс.