Неемий 3:15 - Коми Библия 2023

¹⁵ Дзульк дзиръя дзоньталіс Кол-Хозелӧн Шаллун пиыс, Миспа гӧгӧр муӧн веськӧдлысь. Сійӧ вӧчис дзиръясӧ, дзиръялы лэптіс лэбув, сувтӧдіс ӧдзӧсъяс да пуктіс сэтчӧ иган-тасъяс. Нӧшта сійӧ лэптіс стенсӧ Шелах вайӧртӧд дорын, ӧксылӧн сад йӧр дорті Давид карысь лэччан поскӧдз.

Неемий 3:15 Kruisverwysings

Ӧксыяслӧн 2 небӧг 5:9

Давид овмӧдчис изкарӧ да нимтіс сійӧс Давид карӧн. Миллосянь кар шӧрӧдзыс Давид лэптіс керкаяс.

Ӧксыяслӧн 4 небӧг 25:4

карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд пышйис Йӧрдан ковтыслань.

2 Каднебӧг 32:30

Езекей тупкис Гихон ва петанінлысь вылыс визувтанінсӧ да веськӧдіс васӧ визувтны увлань, Давид кар рытывладорӧ. Езекейлӧн артмис быд удж.

Неемий 12:37

Дзульк дзиръя дорті Давид карлӧн поскӧд найӧ кайисны карса стен вылӧ, сэсся мунісны Давид керка весьтӧд асыввылӧ Ва дзиръя дорӧдз.

Неемий 2:14

Сэсся ме мӧдӧдчи Дзульк дзиръялань да Ӧксы вайӧртӧдлань. Но верзьӧмаӧн ме сэті муннысӧ эг вермы.

Неемий 2:17

Ме шуи налы: «Ті аддзанныд, мый миянӧс суис: Ерусалим карнымӧс кисьтӧма, сылысь дзиръяяссӧ сотӧма. Выльысь лэптам карлысь стенъяссӧ, вештам ас вылысь янӧдӧмсӧ».

Неемий 3:12

Накӧд орччӧн стенсӧ дзоньталіс аслас нывъяскӧд Халлохешлӧн Шаллум пиыс, Ерусалим гӧгӧр мӧд му джынйӧн веськӧдлысь.

Неемий 3:14

Ёг дзиръя дзоньталіс Рекавлӧн Малкий пиыс, Бет-Карем гӧгӧр муӧн веськӧдлысь. Вӧчӧм дзиръяӧ сійӧ сувтӧдіс ӧдзӧсъяс да пуктіс сэтчӧ иган-тасъяс.

Неемий 3:19

Сыкӧд орччӧн дзоньталіс стенсӧ Исуслӧн Эзер пиыс, Миспаӧн веськӧдлысь. Сійӧ уджаліс стен пельӧсын, шыпурт видзанінӧ пыранін весьтын.

Неемий 3:7

Накӧд орччӧн стенсӧ дзоньталісны Гаваонысь Мелатий да Меронотысь Ядон ӧтвылысь гаваонса да миспаса олысьяскӧд. Тайӧ олысьясыс вӧліны Ефрат ю рытыввыв муын юралысьлӧн кипод улынӧсь.

Неемий 3:9

Накӧд орччӧн стенсӧ дзоньталіс Хурлӧн Рефай пиыс, Ерусалим гӧгӧр му джынйӧн веськӧдлысь.

Еклесиаст 2:6

кодйи вайӧртӧдъяс, медым киськавны быдмысь пуяссӧ.

Исай 8:6

– Тайӧ войтырыс нинӧмӧ пуктӧ надзӧ визувтысь Силоам ю, но ошйысьӧ Рецинӧн да Ремальлӧн пиӧн.

Еремей 40:6

Еремей локтіс Ахикамлӧн Гедалий пи дінӧ Миспаӧ да овмӧдчис Иуда муын кольӧм войтыр пӧвстӧ.

Лука 13:4

Мый шуанныд дас кӧкъямысыс йылысь, кодъяс вылӧ Силоамын усис башня да лямӧдіс кувтӧдзныс? Вӧліны-ӧ найӧ мыжаджыкӧсь Ерусалимын мукӧд олысьяс дорысь?

Иоан 9:7

Сэсся шуис: «Мун да мыссьы Силоам вайӧртӧдын». Силоам нимыс, вуджӧдны кӧ, лоӧ ”мӧдӧдӧма”. Синтӧм морт муніс, мыссис да кутіс аддзыны.

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.

Ёрдысьяс 20:3

Венямин чужанкотыр кыліс, мый Израиль войтыр чукӧртчӧма Миспаӧ. Израильсаяс юалісны: «Кыдзи тайӧ лёкторйыс лоис?»