Неемий 3:1 - Коми Библия 2023

¹ Аркирей Эльяшив да попъяс вӧчисны карлысь Ыж дзиръя, вежӧдісны сійӧс да сувтӧдісны ӧдзӧсъяс. Сэсся Сё тышкамортлы башня дорсянь Хананел башня дорӧдз вежӧдісны стенсӧ.

Неемий 3:1 Kruisverwysings

Неемий 12:10

Исуслӧн чужис Йояким, Йоякимлӧн – Эльяшив, Эльяшивлӧн – Йоад,

Неемий 12:30

Попъяс да левитъяс асьныс сӧстӧммӧдчисны, сэсся сӧстӧммӧдісны войтырсӧ, карса дзиръяяс да стенъяс.

Неемий 12:39

Ефрем дзиръясянь, Важ дзиръя да Чери дзиръя дорті, Хананел башня да Сё тышкамортлы башня бокиті ми мунім Ыж дзиръялань да сувтім Видзан дзиръя дорӧ.

Неемий 13:28

Эльяшив аркирейлӧн Йоад нима пиыслӧн ӧти пи вӧлі хоронса войтырысь Санваллатлӧн зять. Ме сійӧс вӧтлі син водзысь.

Неемий 13:4

Таӧдз Енлӧн крам видзанінъяс вӧсна кывкутысьнас вӧлі пуктӧма Товилӧн матысса рӧдвужысь Эльяшив попӧс.

Неемий 3:20

Стен пельӧссянь Эльяшив аркирейлӧн керка ӧдзӧс дорӧдз стенсӧ дзоньталіс Заббайлӧн Барук пиыс. Сійӧ уджаліс зэв зіля.

Неемий 3:21

Эльяшивлӧн керка ӧдзӧссянь да керка пельӧсӧдз стенсӧ дзоньталіс Хаккоц Урийлӧн Меремот пиыс.

Неемий 3:32

Стен пельӧсса жыр дорсянь Ыж дзиръяӧдз стенсӧ дзоньталісны эзысьысь вӧчасьысьяс да вузасьысьяс.

Неемий 6:1

Санваллатлы, Товилы, араб войтырысь Гешемлы да мукӧд дзескӧдысьяслы кывсис, мый ме помалі лэптыны карса стен, и стенмын эз коль ни ӧти жугалӧмин. Сӧмын дзиръяясӧ абу на вӧлі пуктӧма ӧдзӧсъяс.

Неемий 7:1

Стенсӧ лэптӧм бӧрын да ӧдзӧсъяс пукталӧм бӧрын индісны дзиръя видзысьясӧс, сьылысьясӧс да левитъясӧс.

Псалтыр 30:1

Сьылысьясӧн веськӧдлысьлы. Давидлӧн псалом. [Шогсян кадӧ сьылӧм.]

Псалтыр 48:12

Найӧ чайтӧны, мый налӧн керкаясыс пыр кутасны сулавны, налӧн оланінъясыс вуджасны на бӧрся чужысьяслы. Му пайнысӧ найӧ нимтӧны асланыс нимӧн,

Шусьӧгъяс 3:6

Став аслад туйясын Господьӧс тӧдмав, тэнсьыд туйястӧ Сійӧ веськыдӧн вӧчас.

Шусьӧгъяс 3:9

Пыдди пукты Господьӧс – сет аслад эмбурысь, вай Сылы ассьыд медводдза няньтӧ да вотӧстӧ,

Еремей 31:38

Воасны лунъяс, – висьталӧ Господь, – кор тайӧ карсӧ выльысь лоӧ лэптӧма Меным. Сійӧс лэптасны Хананел башнясянь Пельӧс дзиръяӧдз,

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Закар 14:10

Ерусалимсянь лунвыв муыс Гевасянь Риммонӧдз лоӧ ластаӧн. Ерусалим кар сувтас важ местаас, кыптас ставсьыс вылӧ. Сійӧ паськӧдчас Венямин дзиръясянь Воддза да Пельӧс дзиръяясӧдз, Хананел башнясянь ӧксылӧн виноград пычкан гуӧдз.

Иоан 5:2

Ерусалимын, Ыж дзиръя дорын, вӧлі вайӧртӧд. Еврей ногӧн сійӧ шусис Бетзата. Вайӧртӧд дінас вӧлі вит пыранін, найӧ вӧліны вевт улынӧсь.

Индӧд 20:5

Веськӧдлысьяс мед шуасны войтырлы: ”Тіян пиысь кӧ кодкӧ лэптіс выль керка, но сэтчӧ эз на овмӧдчы, мед бӧр бергӧдчас гортас. Сійӧ вермас тышын усьны, а сылӧн керкаӧ мӧд овмӧдчас.