Неемий 2:8 - Коми Библия 2023

⁸ Кора ыстыны гижӧд тшӧтш Асафлы, ӧксылысь вӧрсӧ видзысьлы, медым крам дзиръяяс да карса стен вӧчӧм вылӧ сійӧ сетас кер, сетас тшӧтш керсӧ меным олан керка лэптӧм вылӧ». Ӧксы сетіс меным гижӧдъяс, ӧд Енлӧн буралан киыс вӧлі мекӧд.

Неемий 2:8 Kruisverwysings

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Ездра 5:5

Но Енмыс вӧлі иудейяслӧн юрнуӧдысьяскӧд. Налы лэдзисны уджавны водзӧ. Юралысь аслас йӧзкӧд шуис гижны Дарий ӧксылы да виччысьны сысянь вочавидзӧм.

Ездра 6:22

Сизим лун чӧж найӧ нимкодясьӧмӧн пасйисны Шомтӧм нянь сёян лунъяс. Господь тыртіс йӧзыслысь сьӧлӧмсӧ нимкодьлунӧн, ӧд Сійӧ бергӧдіс налань ассурса ӧксылысь сьӧлӧмсӧ, и сійӧ отсаліс лэптыны Израильлӧн Енлы крам.

Ездра 6:8

Отсалӧй иудейяслӧн юрнуӧдысьяслы Енлысь крамсӧ вӧчиганыс. Вӧчӧй, кыдзи ме тшӧкта. Авар-Нахара муын ӧксылы чукӧртӧм сьӧмысь чуктӧдӧй крам вӧчысьяслы, медым налӧн уджыс эз сувт.

Ездра 7:6

Ездра локтіс Вавилонысь. Сійӧ вӧлі велӧдчӧм морт, бура тӧдіс Мӧисейлысь Индӧдсӧ, мый вӧлі сетӧма Господь, Израильлӧн Ен. Ӧксы сетіс Ездралы ставсӧ, мый сійӧ корис, ӧд Ездракӧд вӧлі Господь, сылӧн Енмыс.

Ездра 7:9

Ездра петіс Вавилонысь медводдза тӧлысьлӧн медводдза лунӧ, а воис Ерусалимӧ витӧд тӧлысьлӧн медводдза лунӧ. Енмыс Аслас киӧн видзис Ездраӧс,

Неемий 7:2

Ме пукті Ерусалимын юравны ассьым Ханани вокӧс да Хананейӧс, изкарӧн веськӧдлысьӧс, коді эз вудж ассьыс кывсӧ, а поліс Енмысь. Ме тшӧкті налы:

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Еклесиаст 2:5

лӧсьӧді сад йӧръяс, расъяс да пукті сэтчӧ быдсяма вотӧса пусӧ,

Еклесиаст 2:6

кодйи вайӧртӧдъяс, медым киськавны быдмысь пуяссӧ.

Исай 66:14

Ті аддзанныд тайӧс, и тіян сьӧлӧмныд пондас нимкодясьны, тіян вир-яйныд пондас дзоридзавны. Быдӧн тӧдмалас, мый Господьлӧн киыс Сылӧн кесйӧгъяс вылын, а скӧралӧмыс – Сылы паныд сувтысьяс вылын.

Даниил 1:9

Енмыс лӧсьӧдіс сідзи, мый ыджыд чинаясӧн веськӧдлысь вӧлі бур сьӧлӧма Даниил дінӧ.

Ап. уджъяс 26:22

Но Енмыс пыр на отсаліс меным тайӧ лунӧдзыс, та вӧсна ме ӧнӧдз сулала да висьтала быдӧнлы: прӧстӧй и чина йӧзлы. Висьтала сӧмын сійӧ, мый йылысь водзвыв висьтавлісны Мӧисей да пророкъяс. Найӧ висьталісны,

Ап. уджъяс 7:10

да дорйис сійӧс быд сьӧкыдыс дырйи. Енмыс сетіс Ӧсиплы ыджыд мывкыдлун, та вӧсна сійӧ сьӧлӧм вылас воис фараонлы, египетса ӧксылы. Фараон весиг пуктіс сійӧс веськӧдлыны Египетӧн да аслас став овмӧсӧн.

2 Коринфӧ 8:16

Ошкӧм Енлы! Сійӧ пуктӧма Тит сьӧлӧмӧ тіян вӧсна ме кодь жӧ тӧждысьӧм.