Неемий 2:5 - Коми Библия 2023

⁵ да вочавидзи ӧксылы: «Ме, тэнад кесйӧг, шогмана кӧ тэныд, ӧксыӧй, и тэ кӧ чайтан, мый менам корӧмӧй бур, лэдз менӧ мунны Иуда муӧ, медым лэптыны сійӧ карсӧ, кытчӧ дзебӧма менсьым батьясӧс».

Неемий 2:5 Kruisverwysings

Ӧксыяслӧн 2 небӧг 14:22

Йоав муӧдзыс уськӧдчӧмӧн копыртчис сылы да шуис: «Енмыс мед бурсиас тэнӧ, ӧксыӧй-ыджыдӧй! Ӧні ме тӧда, мый тэ бур сьӧлӧма ме дінӧ, ӧд тэ эн ӧтдорт менсьым корӧмӧс».

Ездра 5:17

Ӧксыӧй, тэныд кӧ шогмана, мед корсьласны Вавилонысь ӧксыяслӧн небӧг видзанінысь, збыльысь-ӧ Кир ӧксы тшӧктылӧма лэптыны Ерусалимын Енлысь крамсӧ. Лача кутам, ӧксыӧй, мый миянлы сетасны тӧдны тэнсьыд шуӧмтӧ».

Неемий 2:4

Ӧксы юаліс менсьым: «Мый тэ кӧсъян?» Ме кевмыси енэжвывса Енлы

Неемий 2:6

Ӧксыкӧд орччӧн пукаліс гӧтырыс. Ӧксы юаліс менсьым: «Дыр-ӧ кежлӧ тэ сэтчӧ кӧсъян мунны? Кор бӧрсӧ локтан?» Ме висьталі ӧксылы кадыс йылысь. Менам вочавидзӧмӧй вӧлі шогмана ӧксылы, и сійӧ лэдзис менӧ мунны.

Эсфир 1:19

Шогмана кӧ ӧксылы, мед петас сысянь тшӧктӧм, мый Астинь некор оз вермы локны Артаксеркс ӧксы водзӧ, а ӧксы-аньӧ сійӧ босьтас бурджык аньӧс. Тайӧ тшӧктӧмсӧ мед гижасны персияса да мидияса индӧдӧ, кытысь нинӧм вежны оз позь.

Эсфир 5:8

ӧксы кӧ бур сьӧлӧма ме дінӧ да лыддьӧ шогманаӧн вӧчны менам корӧм-кӧсйӧм серти, мед [аски бара] локтас Аманкӧд гаж вылӧ, мый ме дасьта налы. Аски ме вочавидза ӧксылы».

Эсфир 7:3

Эсфир ӧксы-ань вочавидзис: «Тэ кӧ бур сьӧлӧма ме дінӧ, ӧксыӧй, да шогмана кӧ тэныд, видз менсьым да менам войтырлысь олӧмсӧ. Татшӧм менам корӧм-кӧсйӧмӧй.

Эсфир 8:5

Сэсся шуис: «Ӧксылы кӧ шогмана, да сійӧ кӧ бур сьӧлӧма ме дінӧ, и тайӧ могсӧ кӧ ӧксы лыддьӧ веськыдӧн, да ме кӧ сылӧн синлы вая нимкодьлун, мед гижас тшӧктӧм, мый Агагсянь чужысь Аммедат Аманлӧн гижӧдыс да ӧксыув муясысь иудейясӧс бырӧдӧм йылысь шуӧмыс абу нин вына.

Шусьӧгъяс 3:4

Сэки буралӧмыс да муслуныс Енсянь да йӧзсянь тэныд лоас.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Матвей 23:27

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті еджыдӧн мавтӧм гортъяс кодьӧсь. Ортсысяньыс сійӧ мича, а пытшкӧсас тырыс шой лы да быд пежыс.

Руфа 2:13

Руфа вочавидзис: «Ыджыдӧй, тэ зэв бур сьӧлӧма ме дінӧ. Ме ог шогмы лоны тэныд весиг кесйӧг туйӧ. Но тэ бурмӧдін менсьым сьӧлӧмӧс аслад кывъясӧн».