Неемий 2:10 - Коми Библия 2023

¹⁰ Хоронса Санваллат да аммон войтырысь Тови чина морт кор кылісны, мый кодкӧ локтӧма тӧждысьны Израиль войтыр вӧсна, ёна дӧзмисны таысь.

Неемий 2:10 Kruisverwysings

Неемий 13:1

Сійӧ лунӧ Израиль войтырлы лыддисны Мӧисейлысь небӧг. Сэні вӧлі гижӧма, мый аммон да моав войтыръясысь некод оз вермы лоны Ен войтырлӧн чукӧртчӧмын.

Неемий 13:28

Эльяшив аркирейлӧн Йоад нима пиыслӧн ӧти пи вӧлі хоронса войтырысь Санваллатлӧн зять. Ме сійӧс вӧтлі син водзысь.

Неемий 13:4

Таӧдз Енлӧн крам видзанінъяс вӧсна кывкутысьнас вӧлі пуктӧма Товилӧн матысса рӧдвужысь Эльяшив попӧс.

Неемий 2:19

Кор та йылысь кылісны хоронса Санваллат, аммон войтырысь Тови чина морт да Гешем араб, серамвыв лэптісны миянӧс. Найӧ увтыртӧмӧн шуалісны: «Мыйсяма уджӧ ті босьтчинныд? Он-ӧ ӧксылы паныд кыпӧдчӧй?»

Неемий 4:7

Санваллат да Тови, арабъяс, аммонсаяс да азотсаяс ёна скӧрмисны, кор кылісны, мый Ерусалимлӧн стенмыс ӧдйӧ кыптӧ, и мый сылысь жугалӧминъяссӧ дзоньталӧны.

Неемий 6:1

Санваллатлы, Товилы, араб войтырысь Гешемлы да мукӧд дзескӧдысьяслы кывсис, мый ме помалі лэптыны карса стен, и стенмын эз коль ни ӧти жугалӧмин. Сӧмын дзиръяясӧ абу на вӧлі пуктӧма ӧдзӧсъяс.

Неемий 6:16

Кор миянӧс дзескӧдысьяс да миян гӧгӧр олысь войтыръяс кылісны та йылысь, повзисны. Налы яндзим лои, ӧд гӧгӧрвоисны, мый тайӧ уджсӧ вӧчны миянлы отсаліс миян Енным.

Эсфир 10:3

Иудей Мардокей вӧлі Артаксеркс ӧксы бӧрся медыджыд морт. Иудейяс пӧвстын Мардокей вӧлі пыдди пуктана да радейтана, ӧд сійӧ кӧсйис сӧмын бурсӧ аслас войтырлы да тӧждысис на вӧсна. [Мардокейлӧн висьталӧм: «Ставыс тайӧ вӧлі Енсянь. Тайӧ лоӧмторъяс йылысь вӧтӧй ставнас иніс, и ме ог вунӧд сійӧс. Ичӧт ва петанін лои юӧн. Вӧлі югыд, вӧлі шонді да уна ва. Юыс вӧлі Эсфир, кодӧс ӧксы босьтіс гӧтырӧ да пуктіс ӧксы-аньӧ. Кык гундырыс – тайӧ ме да Аман. Войтыръяс чукӧртчисны бырӧдны иудейясӧс, но менам Израиль войтырӧй шыасис Ен дінӧ да мездмис. Господь мездіс Ассьыс войтырсӧ, видзис миянӧс став лёксьыс. Енмыс петкӧдліс индысьпасъяс да вӧчис ыджыд шензьӧданаторъяс – татшӧмыс некор эз вӧвлы мукӧд войтыръяс пӧвстын. Енмыс лӧсьӧдіс Аслас войтырлы ӧтитор, мукӧд войтыръяслы – мӧдтор, тадзи Аманлысь пудъясьӧмсӧ бергӧдіс мӧдарӧ. Воис кад инны пудъясьӧмыслы, воис лун мыждыны Енлы войтыръясӧс. Енмыс эз вунӧд Ассьыс войтырсӧ, веськыда вӧчис Аслас бӧрйӧм войтырлы. Та вӧсна быд во нэмъяс чӧж адар тӧлысь дас нёльӧд да дас витӧд лунъясӧ Енлӧн Израиль войтыр мед чукӧртчас Ен водзӧ да гажӧдчас нимкодясьӧмӧн». Птоломейлӧн да Клеопатралӧн нёльӧд ӧксыалан воӧ Досифей да сылӧн Птоломей пиыс вайӧмаӧсь пурим йылысь тайӧ гижӧдсӧ Александрия карӧ. Шуӧны, мый Досифейыс вӧлӧма попӧн да левитӧн. Гижӧдсӧ вуджӧдіс Птоломейлӧн Лисимах пиыс, коді оліс Ерусалимын.]

Шусьӧгъяс 27:4

Чорыда скӧрмӧм-ярмӧмтӧ сувтӧдны сьӧкыд, вежӧгтӧмтӧ нинӧм оз сувтӧд.

Шусьӧгъяс 30:22

ӧксыӧ пуксьысь кесъялысьӧс, пӧттӧдзыс сёйысь вежӧртӧм мортӧс,

Еклесиаст 10:7

Ме аддзылі, мый кесйӧгъяс пукалӧны вӧв вылын, а ӧксыяс кесйӧгъяс моз восьлалӧны подӧн.

Исай 15:5

Менам сьӧлӧмӧй бӧрдӧ Моав вӧсна. Моавсаяс пышйӧны Цоарӧ, мунӧны Эглат-Шелишияӧдз, найӧ бӧрдӧмӧн кайӧны Лухит керӧсӧ, Хоронаимӧ мунан туй вылын ойзӧны бырӧдӧм вӧсна.

Еремей 41:10

Измаил босьтіс пленӧ Миспаысь став коляс войтырсӧ, тшӧтш ӧксылысь нывъяссӧ. Буретш тайӧ коляс войтырнас Навузардан, ӧксыӧс видзысьяслӧн юралысь, пуктіс веськӧдлыны Ахикамлысь Гедалий писӧ. Пленӧ босьтӧмаяскӧд Нетанийлӧн Измаил пиыс мӧдӧдчис аммон войтыр дінӧ.

Еремей 48:34

Хешбонсянь Элялеӧдз бӧрдӧны моавсаяс, бӧрдӧм шыыс кылӧ Яхацӧдз, Цоарсянь Хоронаимӧдз да Эглат-Шелишияӧдз кылӧ горзӧм шы, ӧд весиг Нимрим юысь ваыс бырас.

Еремей 48:5

Моавсаяс бӧрдӧмӧн кайӧны Лухит керӧсӧ, Хоронаимсянь лэччӧны ойзӧмӧн, бырӧдӧм вӧсна ойзӧм кылӧ.

Ап. уджъяс 4:2

Найӧ скӧралісны, мый апостолъяс велӧдӧны йӧзсӧ да висьтавлӧны, Исус пӧ ловзис, и кулӧмаяс пӧ тшӧтш ловзясны.

Ап. уджъяс 5:24

Тайӧс кылӧмысь крам видзысьяслӧн веськӧдлысь да аркирейяс шай-паймунісны, кыдзи пӧ тайӧ вермис лоны.