Неемий 13:15 - Коми Библия 2023

¹⁵ Сійӧ кадас ме казялі, мый Иуда муын шойччан лунӧ талялӧны виноград, осёлъяс вылын вайӧны Ерусалимӧ нянь кольтаяс, вина, виноград, инжир да уна мукӧдтор. Ставсӧ тайӧс вӧчисны шойччан лунӧ. Ме чорыда ӧлӧді найӧс шойччан лунӧ вузасьӧмысь.

Неемий 13:15 Kruisverwysings

2 Каднебӧг 24:19

Господь мӧдӧдліс на дінӧ пророкъясӧс, медым бергӧдны найӧс Ас дінас. Пророкъяс ӧлӧдлісны найӧс, но найӧ эз кывзыны.

Неемий 10:31

Мукӧд войтырысь кӧ кодкӧ ваяс нянь либӧ мукӧд вузалантор шойччан лунӧ, ми налысь огӧ ньӧбӧй ни шойччан лунӧ, ни вежа лунъясӧ. Быд сизимӧд воӧ ми кутам шойччӧдны мунымӧс да вунӧдам быдпӧлӧс уджйӧз.

Неемий 10:32

Ми кӧсйысям быд во сикельысь коймӧд пайсӧ сетны Енлӧн крамын кесъялӧм вылӧ:

Неемий 13:16

Ерусалимын олысь тирса йӧз вайлісны сэтчӧ чери да мукӧд вузӧс и вузавлісны шойччан лунӧ Иуда войтырлы.

Неемий 13:21

Но ме ӧлӧді найӧс: «Мыйла ті узьланныд стен дорас? Нӧшта кӧ тадзи вӧчанныд, тшӧкта босьтны тіянӧс». Та бӧрын шойччан лунӧ найӧ сэсся эз нин волыны.

Неемий 9:29

Тэ ӧлӧдлін найӧс, медым найӧ бергӧдчисны Тэнад Индӧд дінӧ, но найӧ пыксисны, эз кывзыны Тэнсьыд тшӧктӧмъястӧ, мыж вӧчӧмӧн торкисны Тэнсьыд Индӧдтӧ, мый вайӧ олӧм мортыслы, коді сы серти олӧ. Найӧ пыксисны-асныралісны, эз кывзыны Тэнӧ.

Иов 39:12

Кутан ӧмӧй эскыны, мый сійӧ ваяс няньтӧ да тэчас гумла вылад?

Псалтыр 50:7

Бать кӧйдысын нин ме вӧлі мыж пытшкас, мам кынӧмсянь – мыжа морт.

Петӧм 31:12

Господь тшӧктіс Мӧисейлы:

Петӧм 31:16

Израиль пиян мед видзасны шойччан лунсӧ чужысьяссянь чужысьясӧдз. Тайӧ нэмъяс кежлӧ кӧрталӧм йитӧд.

Петӧм 34:21

Квайт лун уджав, а сизимӧд луннас шойччы. Пасйы шойччан лун весиг гӧра-кӧдза кадӧ и вундан кадӧ.

Петӧм 35:2

Квайт лун уджалӧй, а сизимӧд луныс мед лоӧ тіянлы вежа. Тайӧ луныс шойччан лун, сиӧма Господьлы. Тайӧ лунӧ коді кутас уджавны, сійӧс лоӧ виӧма.

Шусьӧгъяс 28:4

Енлысь Индӧдсӧ вунӧдысь лёк вӧчысьясӧс ошкӧ, а Индӧд серти олысь лёк вӧчысьяслы паныд сувтӧ.

Исай 58:13

Тэ кӧ видзан коктӧ шойччан лун торкӧмысь, он кӧ ов аслад кӧсйӧм серти Менам вежа лунӧ, шуан кӧ шойччан лунсӧ олан гажӧн, пыдди пуктан кӧ Господьлысь вежа лунсӧ, видзан кӧ асьтӧ быдлунся удж вӧчӧмысь, ас кӧсйӧм серти олӧмысь да нинӧм абусӧ сёрнитӧмысь,

Еремей 17:24

А ті кӧ кутанныд кывзысьны Менсьым, – висьталӧ Господь, – шойччан лунӧ кӧ онӧ кутӧй пыртны нопнытӧ тайӧ карыслӧн дзиръяӧд да онӧ кутӧй вӧчны некутшӧм удж, но шойччан луныс лоӧ тіянлы вежа,

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Еремей 42:19

Иудалӧн коляс войтырыс, кывзӧй! Господь висьталӧ тіянлы: ”Энӧ мунӧй Египетӧ!” Тӧдӧй, талун ме ӧлӧді тіянӧс.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Амос 8:5

Ті шуанныд: «Кор нин помасяс выль тӧлысь пасйӧмыс, медым вермим бара вузавны нянь? Кор нин помасяс шойччан луныс, медым вермим восьтны нянь видзанінъяс? Сэки ичӧтджык мурталан доз босьтам, а донсӧ содтам, вескиӧн пӧръялам.

Микей 6:3

– Войтырӧй, мый Ме тэныд вӧчи? Мыйӧн сьӧктӧді тэнӧ, вочавидз Меным!

Ап. уджъяс 2:40

Тадзи унатор на Петыр висьталіс да ышӧдӧмӧн шуаліс: «Мездысьӧй тайӧ нэмса тшыксьӧм йӧзысь, мед эз су тіянӧс мыждӧмыс».

Ап. уджъяс 20:21

Висьталі иудейяслы и грекъяслы, мед бергӧдчасны мыжъяссьыныс Ен дінӧ да эскасны миян Господь Исус Кристослы.

Галатӧ 5:3

Нӧшта шуа: вундыштчӧмалы колӧ овны Индӧдлӧн став тшӧктӧмыс серти.

Ефесӧ 4:17

Ме ёна кора тіянӧс Господь нимӧн: водзӧ энӧ нин олӧй ентӧдтӧмъяс моз. Налӧн мӧвпъясыс ковтӧмӧсь,

Индӧд 8:19

Ті кӧ вунӧданныд Господьӧс, ассьыныд Ентӧ да понданныд кесъявны-юрбитны мукӧд енъяслы, сэки ті быранныд. Талун [енэжыс и муыс водзын] кыв сета, мый ті быранныд.

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.