Неемий 13:13 - Коми Библия 2023

¹³ Крам видзанінӧ кывкутысьясӧн ме инді Шелемей попӧс, Индӧдӧ велӧдысь Садокӧс да левитъяс пӧвстысь Педайӧс, а Маттанай Заккурлысь Ханан писӧ пукті налы отсасьысьӧн. Тайӧ йӧзыслы позис эскыны. Налы вӧлі тшӧктӧма юклыны вайӧмторъяссӧ асланыс вокъяслы.

Неемий 13:13 Kruisverwysings

Ӧксыяслӧн 4 небӧг 12:15

Крам дзоньталӧм вӧсна кывкутысьяс вӧчисны ассьыныс уджнысӧ пӧръясьтӧг, та вӧсна налысь эз корлыны сьӧм видзӧм йылысь пасйӧдъяс.

Ӧксыяслӧн 4 небӧг 12:16

Мыж вештан висьысь да мыжысь вайӧм висьысь сьӧмсӧ сетлісны попъяслы. Господьлӧн крам дзоньталӧм вылӧ тайӧ сьӧмыс эз мунлы.

Ӧксыяслӧн 4 небӧг 22:7

Крам дзоньталӧм вӧсна кывкутысьяслысь энӧ корӧй сьӧм видзӧм йылысь пасйӧдъяс, ӧд найӧ вӧчӧны ассьыныс уджнысӧ пӧръясьтӧг».

Неемий 10:12

Заккур, Шеревий, Шеваний,

Неемий 10:38

Аарон рӧдысь поп мед лоӧ левитъяскӧд, кор найӧ пондасны чукӧртны дасӧд юкӧнсӧ войтырлысь. Тайӧ дасӧд юкӧнысь дасӧд пайсӧ левитъяслы колӧ нуны миян Енлӧн крам видзанінӧ.

Неемий 11:22

Левитъяслӧн веськӧдлысьнас Ерусалимын вӧлі Асаф рӧдысь Уззей. Сійӧ вӧлі Банилӧн пи, Бани – Хашавийлӧн, Хашавий – Маттанайлӧн, Маттанай – Микалӧн. Асафсянь чужысьяс вӧліны сьылысьясӧн Енлӧн крамын кесъялӧм дырйи.

Неемий 12:35

На бӧрся трубаясӧн мунісны том попъяс. На пӧвстын муніс Ионафанлӧн Закар пиыс. Ионафан вӧлі Шемайлӧн пи, Шемай – Маттанайлӧн, Маттанай – Микайлӧн, Микай – Заккурлӧн, Заккур – Асафлӧн.

Неемий 12:44

Сійӧ жӧ лунӧ вӧлі индӧма йӧзӧс кывкутны крам видзанінъяс вӧсна, сэтчӧ пуктӧм дасӧд юкӧнъяс вӧсна, медводдза воӧм нянь да вотӧс вӧсна. Найӧ чукӧртісны видзанінъясӧ карса видз-муяс вылысь сійӧ пайсӧ, мый колӧ вӧлі Индӧд серти сетны попъяслы да левитъяслы. Иуда войтыр нимкодясис попъяс да левитъяс вӧсна,

Неемий 3:30

Сыкӧд орччӧн стенсӧ дзоньталісны Шелемейлӧн Хананей пиыс да Цалафлӧн Ханун нима квайтӧд пиыс. Насянь водзӧ аслас жырлы воча уджаліс Береклӧн Мешуллам пиыс.

Неемий 7:2

Ме пукті Ерусалимын юравны ассьым Ханани вокӧс да Хананейӧс, изкарӧн веськӧдлысьӧс, коді эз вудж ассьыс кывсӧ, а поліс Енмысь. Ме тшӧкті налы:

Неемий 8:4

Индӧдӧ велӧдысь Ездра сулаліс пуысь вӧчӧм сод вылын, мый вӧлі вӧчӧма дзик та могысь. Сылӧн веськыдладорын сулалісны Маттитай, Шемай, Анай, Урий, Хилки да Маасей. Шуйгаладорас сулалісны Педай, Мисаэл, Малкий, Хашум, Хашбадан, Закар да Мешуллам.

Лука 12:42

Господь шуис: «Лоӧй эскана да мывкыд кесйӧг кодьӧсь. Татшӧмсӧ ыджыдыс пуктас веськӧдлыны мукӧд кесйӧгъясӧн, медым ас кадӧ сетны налы сёян-юан.

Ап. уджъяс 4:35

апостолъяслы. Найӧ быдӧнлы юклісны колана мында.

Ап. уджъяс 6:1

Велӧдчысьяслӧн лыдыс лунысь-лун содіс. Грек кывйӧн сёрнитысь иудейяс пондісны шуасьны сэтчӧс олысь иудейяс вылӧ, мыйла пӧ быдлунъя коланатор юклігӧн ӧтдортанныд миянлысь дӧваясӧс.

Ап. уджъяс 6:3

Та вӧсна, вокъяс, бӧрйӧй ас пӧвстсьыныд сизим мортӧс, кодъяс мывкыдаӧсь да тырӧмаӧсь Вежа Лолӧн. Найӧс пуктам тайӧ уджсӧ вӧчны.

1 Коринфӧ 4:2

Сӧмын татшӧм кывкутысьяслы колӧ лоны эсканаӧн.

1 Тимофейлы 1:12

Ме аттьӧала миянлысь Господь Исус Кристосӧс, ӧд Сійӧ ёнмӧдіс менӧ да лыддис менӧ шогманаӧн кесъявны Сылы.

1 Тимофейлы 3:10

Найӧс колӧ водзвыв тӧдмавны, сэсся, шогманаӧсь кӧ, мед кесъялӧны.