Неемий 13:10 - Коми Библия 2023

¹⁰ Нӧшта ме тӧдмалі, мый левитъяслы, вӧлӧмкӧ, оз сетны налысь пайсӧ. Та вӧсна кесъялӧм пыдди левитъяс да сьылысьяс вӧлі петӧмаӧсь быдӧн аслас видз-му вылӧ.

Неемий 13:10 Kruisverwysings

2 Каднебӧг 31:4

Ерусалимын олысьяслы ӧксы тшӧктіс, медым найӧ сетасны попъяслы да левитъяслы олӧм вылӧ колана пай. Тадзи попъяс да левитъяс ассьыныс олӧмсӧ вермисны сины Господьлысь Индӧд збыльмӧдӧмлы.

Неемий 10:37

Миян Енлӧн крам видзанінъясӧ попъяслы ми пондам вайны выль быдтасысь медводдза пӧжалӧм сӧчӧн да мукӧд вайӧмторъяс, быдпӧлӧс пулысь вотӧс, вина да олив вый. Мувыв быдтасысь дасӧд юкӧныс лоӧ левитъяслы. Найӧ мед чукӧртасны сійӧс быд карын, кӧні вӧдитӧны муяс.

Неемий 10:39

Израиль войтыр моз левитъяслы колӧ вайны нянь, вина да олив вый – став ассьыныс вайӧмторнысӧ – жыръясӧ, кӧні видзӧны вежаинса дозмук-кӧлуй, и кӧні кесъялӧм дырйи олӧны попъяс, дзиръя видзысьяс да сьылысьяс. Ми огӧ эновтӧй миян Енлысь керкасӧ».

Неемий 12:47

Зоровавель да Неемий кадъясӧ став Израиль войтыр вичмӧдліс сьылысьяслы да дзиръя видзысьяслы пай налӧн быдлунся олӧм вылӧ. Таысь ӧтдор найӧ торйӧдлісны вежа пай левитъяслы, а левитъяс чуктӧдлісны сэтысь вежа пай Аарон рӧдлы.

Исай 43:23

Тэ эн вайлы Меным сотан вись пыдди ыжъясӧс, вись вайӧмӧн эн пыдди пукты Менӧ. Ме эг сьӧктӧдлы тэнӧ, эг тшӧкты вайны Меным нянь, эг тшӧкты вайны чӧскыд ӧвтанторъяс.

Малакий 3:8

Вермас-ӧ морт мыйкӧ гусявны Енмыслысь? А ті гусяланныд Менсьым. Ті юаланныд, мый пӧ ми гусялам Тэнсьыд. Ті гусяланныд дасӧд юкӧннытӧ да мукӧд вайӧмторсӧ.

Лыд 35:2

«Тшӧкты Израиль пиянлы, медым асланыс муысь сетасны левитъяслы олан каръяс да нагӧгӧрса видзьяс.

Индӧд 12:19

Асланыд му вылын олан лунъяс чӧжныд энӧ вунӧдӧй тӧждысьны левитъяс вӧсна.