Неемий 12:35 - Коми Библия 2023

³⁵ На бӧрся трубаясӧн мунісны том попъяс. На пӧвстын муніс Ионафанлӧн Закар пиыс. Ионафан вӧлі Шемайлӧн пи, Шемай – Маттанайлӧн, Маттанай – Микайлӧн, Микай – Заккурлӧн, Заккур – Асафлӧн.

Неемий 12:35 Kruisverwysings

1 Каднебӧг 25:2

Асафлӧн пиянысь вӧліны Заккур, Ӧсип, Нетаний да Асарел. Наӧн веськӧдліс ачыс Асаф. Сійӧ ошкис Енмӧс ӧксылӧн туйдӧдӧм серти.

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

2 Каднебӧг 5:12

сьылысь-ворсысь левитъяс – Асаф, Еман, Едутун, налӧн пиянныс да вокъясныс – ставныс сулалісны висьпуктанін асывладорын. На вылын вӧлі вӧсни шабді дӧраысь паськӧм. Найӧ ворсісны кимвалӧн, арфаӧн да гуслиӧн. Накӧд орччӧн сё кызь поп тутсісны трубаясӧ.

Неемий 11:17

Ерусалимын олісны тшӧтш Маттанай, Бакбук да Авдай. Маттанай вӧлі сьылысь котырын ошкӧм-кевмысьӧм дырйи шылад босьталысьӧн. Сійӧ вӧлі Микейлӧн пи, Микей – Завдийлӧн, Завдий – Асафлӧн. Бакбук вӧлі сьылысь котырын шылад мӧд босьталысьӧн. Авдай вӧлі Шаммуйлӧн пи, Шаммуй – Галаллӧн, Галал – Едутунлӧн.

Неемий 12:34

Иуда, Венямин, Шемай да Еремей попъяс.

Неемий 12:36

Нӧшта мунісны Закарлӧн Шемай, Азарэл, Милалай, Гилалай, Маай, Нафанаил, Иуда да Ханани вокъясыс. Найӧ ворсісны Енлӧн морт Давидлӧн кодь шылада ворсанторъясӧн. На водзвылын муніс Индӧдӧ велӧдысь Ездра.

Нав Исус 6:4

Кор ті кыланныд буксан шы, став войтырыс мед гораа горӧдас. Сэки карса стенмыс подулӧдзыс киссяс. Быдӧн мед [уськӧдчӧмӧн] пырас карас сэтысянь, кӧні сулалӧ».