Неемий 12:30 - Коми Библия 2023

³⁰ Попъяс да левитъяс асьныс сӧстӧммӧдчисны, сэсся сӧстӧммӧдісны войтырсӧ, карса дзиръяяс да стенъяс.

Неемий 12:30 Kruisverwysings

Олӧм 35:2

Яков шуис гортсаыслы да аслас йӧзлы: «Эновтчӧй мукӧд енъясысь! Сӧстӧммӧдчӧй да вежӧй паськӧмнытӧ.

1 Каднебӧг 15:14

Попъяс да левитъяс вежӧдісны-сӧстӧммӧдісны асьнысӧ, медым вермисны нуны Израильлӧн Господь Енлысь кудсӧ.

2 Каднебӧг 29:34

Но попъяс вӧліны этшаӧнӧсь, и найӧ эз удитны кульны сотан вись пыдди вайӧм пемӧсъяслысь кучиксӧ. Налӧн левит вокъясыс отсасисны налы, кытчӧдз эз помась тайӧ уджыс да кытчӧдз мукӧд попъяс эз вежӧдны-сӧстӧммӧдны асьнысӧ. Ӧд левитъяс, кодъяс вӧлі вежӧдӧмаӧсь-сӧстӧммӧдӧмаӧсь нин асьнысӧ, попъяс дорысь вӧліны унджыкӧнӧсь.

2 Каднебӧг 29:5

Сэсся шуис налы: «Левитъяс, кывзӧй менӧ! Ӧні вежӧдӧй-сӧстӧммӧдӧй асьнытӧ да вежӧдӧй тіян батьяслӧн Господь Енлысь крамсӧ. Шыбитӧй вежаинысь став пежсӧ.

Ездра 6:21

Ыджыдлунся баляӧс сёйисны пленысь локтӧм Израиль войтыр да мукӧд войтыръясысь найӧ, кодъяс торйӧдчисны сэтчӧс олысьяслӧн пежысь, медым юрбитны Господьлы, Израильлӧн Енлы.

Неемий 12:29

Бет-Гилгалысь, Гева да Азмавет гӧгӧр ыбъяс вылысь, ӧд сьылысьяс лэптісны сиктъяснысӧ Ерусалим гӧгӧр.

Неемий 13:22

Левитъяслы ме тшӧкті сӧстӧммӧдчыны, сэсся мунны да видзны дзиръяяс, медым шойччан лунсӧ вӧлі вежӧдӧма. Енмӧй, казьтышт менӧ тайӧ вӧчӧмторсьыс! Аслад ыджыд буралӧмыд кузя ло бур сьӧлӧма ме дінӧ!

Неемий 13:30

Ме сӧстӧммӧді войтырӧс йӧз пежысь, сувтӧді попъясӧс да левитъясӧс кесъявны, медым быдӧн вӧчис ассьыс удж.

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Петӧм 19:15

Мӧисей шуис войтырыслы: «Дасьтысьӧй коймӧд лун кежлӧ, гӧтырныдкӧд энӧ узьӧй».

Еврейяслы 5:1

Быд аркирейӧс бӧрйӧны йӧз пӧвстысь да сувтӧдӧны кесъявны Енлы, медым йӧзыслӧн мыжъяс вӧсна вайны висьяс да сетӧмторъяс.

Еврейяслы 5:3

Та вӧсна сылы колӧ вайны вись оз сӧмын йӧзлӧн мыжъяс вӧсна, но и аслас мыжъяс вӧсна.