Неемий 11:3 - Коми Библия 2023

³ Иуда муын мукӧд каръясын – быдӧн аслас карын да аслас овмӧсын – олісны израильсаяс, попъяс, левитъяс, крамбердса кесйӧгъяс да Соломонлӧн кесйӧгъяссянь чужысьяс. А Ерусалимын олісны Иуда муӧн юралысьяс,

Неемий 11:3 Kruisverwysings

Ездра 2:1

Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Вавилонысь Ерусалимӧ да Иуда муӧ – быдӧн аслас карӧ.

Ездра 2:43

Крамбердса кесйӧгъяс вӧліны Цихай рӧдысь, нӧшта Хасуф, Таббаот,

Ездра 2:70

Попъяс, левитъяс, войтыр, сьылысьяс, дзиръя видзысьяс да крамбердса кесйӧгъяс овмӧдчисны асланыс каръясӧ. Быд израильса морт овмӧдчис аслас карӧ.

Неемий 11:20

Мукӧд израильсаяс, попъяс да левитъяс олісны Иуда му пасьтала мукӧд каръясын, быдӧн батьсяньыс вичмӧм му вылын.

Неемий 11:4

кодъяс вӧліны Иуда да Венямин чужанкотыръясысь. Иуда чужанкотырысь Парес рӧдысь сэні оліс Атай. Сійӧ вӧлі Озейлӧн пи, Озей – Закарлӧн, Закар – Амарейлӧн, Амарей – Шефатайлӧн, Шефатай – Махалалеллӧн.

Неемий 7:39

Попъяслӧн лыдыс: Едай рӧдысь Исуссянь чужысьыс вӧлі ӧкмыссё сизимдас куим морт,

Неемий 7:43

Левитъяслӧн лыдыс вӧлі сизимдас нёль морт. Найӧ вӧліны Исус да Кадмиэл рӧдъясысь, Ходавийсянь чужысьяс.

Неемий 7:46

Крамбердса кесйӧгъяс вӧліны Цихай рӧдысь, нӧшта Хасуф, Таббаот,

Неемий 7:6

Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Ерусалимӧ да Иуда муӧ – быдӧн аслас карӧ.

Неемий 7:7

Найӧс вайӧдісны Зоровавель, Исус, Неемий, Азарий, Раамай, Нахман, Мардокей, Билшан, Мисперет, Бигвай, Нехум да Баан. Израиль войтырлӧн айулов лыдыс:

Неемий 7:73

Попъяс, левитъяс, дзиръя видзысьяс, сьылысьяс, войтыр да крамбердса кесйӧгъяс овмӧдчисны асланыс каръясӧ. Быд израильса морт овмӧдчис аслас карӧ.