Неемий 11:1 - Коми Библия 2023

¹ Израиль войтырлӧн юралысьяс олісны Ерусалимын. Войтырыс пудъясьӧмӧн индіс быд дасӧд мортӧс, коді овмӧдчас вежа Ерусалим карӧ, тадзи ӧкмысыс кольччис овны аслас карӧ.

Неемий 11:1 Kruisverwysings

1 Каднебӧг 26:13

Ыджыд да ичӧт рӧдъяс пудъясисны, кодлы кутшӧм дзиръя видзны.

1 Каднебӧг 8:28

Тайӧ йӧзыс вӧліны рӧдкутысьяс, найӧс лыддьӧдлӧма рӧдныс серти. Найӧ олісны Ерусалимын.

1 Каднебӧг 9:1

Тадзи став Израиль войтырсӧ вӧлі лыддьӧдлӧма рӧд сертиныс да гижалӧма израильса ӧксыяслӧн небӧгӧ. Енсӧ эновтӧм вӧсна Иуда войтырӧс вӧлі нуӧдӧма пленӧ Вавилонӧ.

1 Каднебӧг 9:2

Медводдзаясӧн Вавилонысь Израильӧ локтісны попъяс, левитъяс да крамбердса кесйӧгъяс. Найӧ овмӧдчисны асланыс му юкӧнӧ, асланыс карӧ.

1 Каднебӧг 9:3

Ерусалимын олісны Иуда, Венямин, Ефрем да Манассей чужанкотырысь йӧз.

Неемий 10:34

Ми – попъяс, левитъяс да войтыр – пудъясим Енлӧн крамӧ пес вайӧм кузя. Быд рӧдлы быд во урчитӧм кадӧ колӧ вайны пес, медым Индӧдын гижӧм серти миян Господь Енлӧн висьпуктанін вылын ӧзъяліс би.

Неемий 11:18

Ставнас левитъясысь вежа карын оліс кыксё кӧкъямысдас нёль морт.

Неемий 4:22

Сійӧ кадас ме нӧшта тшӧкті войтырлы вой кежлас кольччыны аслас кесйӧгъяскӧд Ерусалимӧ, медым войнас видзны карсӧ, а луннас – уджавны.

Шусьӧгъяс 16:33

Паськӧм дорышӧ пудсӧ шыбитан, но кодлы пудйыс усяс – тайӧ Господьсянь.

Исай 48:2

Ті шуанныд асьнытӧ вежа карысь петысьясӧн, ті лача кутанныд Израильлӧн Ен вылӧ. Сылӧн нимыс – Господь Саваоф.

Исай 52:1

Садьмы, Сион, чеччы, вевттьысь аслад вынӧн! Ерусалим, вежа кар, пасьтав ассьыд дзирдлуна паськӧмтӧ! Тэнад туйяс вывті оз нин кут ветлыны вундыштчытӧм да пеж оласнога.

Матвей 27:53

да найӧ петісны дзебанінъясысь. Исуслӧн ловзьӧм бӧрын найӧ пырисны вежа карӧ, унаӧн аддзылісны найӧс.

Матвей 4:5

Сэсся омӧль нуӧдіс Исусӧс вежа карӧ, сувтӧдіс Сійӧс крам вевт вылӧ

Ап. уджъяс 1:24

Кевмысиганыс шуисны: «Господьӧй, Тэ быдӧнлысь тӧдан сьӧлӧмсӧ. Инды тайӧ кыксьыс Ассьыд бӧрйӧматӧ,

Ап. уджъяс 1:26

Сэсся пудъясисны на вӧсна. Пудйыс уси Матфийлы, сійӧс и индісны дас кыкӧд апостолнас.

Нав Исус 18:10

Силомын Исус пудъяліс мусӧ Господь водзын да юкліс сійӧс Израиль чужанкотыръяслы.