Неемий 10:30 - Коми Библия 2023

³⁰ Шуисны: «Ассьыным нывъяснымӧс огӧ сетӧй верӧс сайӧ мукӧд войтыръяслы и налысь нывъяснысӧ огӧ босьтӧй асланым пиянлы гӧтырӧ.

Неемий 10:30 Kruisverwysings

Ӧксыяслӧн 4 небӧг 23:25

Таӧдз эз вӧв Иосей кодь ӧксыыс, коді эськӧ став сьӧлӧмнас, олӧмнас да став выннас шыасис Господь дінӧ да оліс Мӧисейлӧн Индӧд серти. И Иосейлӧн кулӧм бӧрти сы кодь ӧксыыс эз вӧв.

Ӧксыяслӧн 4 небӧг 23:3

Сэсся ӧксы сувтіс джуджыд пос вылӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ. Став войтырыс тшӧтш кӧсйысис видзны тайӧ йитӧдсӧ.

2 Каднебӧг 34:31

Сэсся ӧксы сувтіс аслас местаӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ.

Неемий 10:1

Гижӧдас пассӧ пуктісны Неемий юралысь, Хакалийлӧн пиыс, да Седекей,

Неемий 13:23

Сійӧ кадас ме нӧшта казялі, мый иудейяс босьтӧмаӧсь гӧтыръяссӧ азот, аммон да моав войтыръясысь.

Неемий 13:25

Таысь ме чирышті да ёри тайӧ айуловсӧ. Кодсюрӧӧс весиг вачкалі да някралі юрсиӧдыс. Тшӧкті кыв сетны Ен водзын, мый водзӧ найӧ оз сетны нывъяснысӧ мукӧд войтырлӧн пиян сайӧ да оз босьтны налысь нывъяснысӧ гӧтырӧ аслыныс да пияныслы.

Неемий 13:30

Ме сӧстӧммӧді войтырӧс йӧз пежысь, сувтӧді попъясӧс да левитъясӧс кесъявны, медым быдӧн вӧчис ассьыс удж.

Неемий 5:12

Найӧ вочавидзисны: «Ставсӧ бӧр сетам, и босьтны насянь нинӧм огӧ кутӧй. Вӧчам, кыдзи тэ шуан». Ме кори попъясӧс да на дырйи тшӧкті нималана йӧзлы да веськӧдлысьяслы кыв сетны, мый найӧ тадзикӧн и вӧчасны.

Петӧм 34:16

Налысь нывъяссӧ пияныдлы гӧтырӧ энӧ босьтӧй [и ассьыныд нывъястӧ налӧн пиян сайӧ энӧ сетӧй]. Ті кӧ кутанныд босьтны налысь нывъяссӧ пияныдлы гӧтырӧ, сэки найӧ кыскасны пияннытӧ ас бӧрсяныс, и пиянныд кырсалысьяс моз сетчасны налӧн енъяслы.

Индӧд 29:11

тіян челядьныд, гӧтыръясныд, йӧз муысь локтысьяс, кодъяс тіянлы пес кералӧны да ва ваялӧны.

Индӧд 7:3

Энӧ рӧдвужасьӧй накӧд: ассьыныд нывъястӧ налӧн пиян сайӧ энӧ сетӧй и налысь нывъяссӧ пияныдлы гӧтырӧ энӧ босьтӧй.