Неемий 10:29 - Коми Библия 2023

²⁹ ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

Неемий 10:29 Kruisverwysings

Ӧксыяслӧн 4 небӧг 10:31

Но Еху эз зіль став сьӧлӧмсяньыс овны Господьлӧн, Израиль Енлӧн, Индӧд серти. Еху эз эновтчы сійӧ мыжъяссьыс, мыйӧн Еровам коркӧ кежӧдіс Израиль войтырӧс мыжас.

Ӧксыяслӧн 4 небӧг 23:3

Сэсся ӧксы сувтіс джуджыд пос вылӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ. Став войтырыс тшӧтш кӧсйысис видзны тайӧ йитӧдсӧ.

1 Каднебӧг 9:2

Медводдзаясӧн Вавилонысь Израильӧ локтісны попъяс, левитъяс да крамбердса кесйӧгъяс. Найӧ овмӧдчисны асланыс му юкӧнӧ, асланыс карӧ.

2 Каднебӧг 34:31

Сэсся ӧксы сувтіс аслас местаӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ.

2 Каднебӧг 6:16

Господьӧй, Израильлӧн Енмӧй, збыльмӧд тшӧтш Ассьыд мӧд кӧсйысьӧмтӧ, мый Тэ шулін Аслад кесйӧглы, менам Давид батьлы. Тэ ӧд шулін сылы: ”Тэсянь чужысьяс кӧ тэ моз кутасны ветлыны веськыд туйӧд да овны Менам Индӧд серти, сэки на пӧвстысь пыр лоӧ ӧксы, коді кутас веськӧдлыны Израиль войтырӧн Ме водзын”.

Неемий 13:25

Таысь ме чирышті да ёри тайӧ айуловсӧ. Кодсюрӧӧс весиг вачкалі да някралі юрсиӧдыс. Тшӧкті кыв сетны Ен водзын, мый водзӧ найӧ оз сетны нывъяснысӧ мукӧд войтырлӧн пиян сайӧ да оз босьтны налысь нывъяснысӧ гӧтырӧ аслыныс да пияныслы.

Неемий 7:46

Крамбердса кесйӧгъяс вӧліны Цихай рӧдысь, нӧшта Хасуф, Таббаот,

Неемий 8:2

Ездра поп вайис Индӧдсӧ, медым лыддьыны сійӧс чукӧртчӧм айулов да аньяс водзын. Сизимӧд тӧлысьлӧн медводдза лунӧ кывзыны чукӧртчисны ставныс, кодъяс сяммисны гӧгӧрвоны.

Неемий 8:3

Ва дзиръя дорын изэрд вылын шонді петӧмсянь луншӧр кадӧдз Ездра лыддис Индӧдсӧ айуловлы да аньяслы – ставныслы, кодъяс сяммисны гӧгӧрвоны. Став войтырыс сюся кывзіс.

Неемий 9:2

Израиль войтыр торйӧдчис мукӧд войтыръясысь. Найӧ сувтісны да висьтасисны асланыс мыжъясысь да батьясныслӧн мыжъясысь.

Неемий 9:38

Та вӧсна ми лӧсьӧдім кӧсйысяна гижӧд. Гижӧд улас миян юралысьяс, левитъяс да попъяс пуктісны ассьыныс пас.

Псалтыр 105:45

Сійӧ эз вунӧд накӧд кӧрталӧм йитӧдсӧ, ыджыд буралӧмыс кузя Сійӧ бурсьӧлӧмтчис на дінӧ,

Псалтыр 8:1

Сьылысьясӧн веськӧдлысьлы. Ворсӧны гефса ворсанторйӧн. Давидлӧн псалом.

Псалтыр 8:9

енэжвывса лэбачьясӧс, саридзса чериясӧс да саридзын став уялысьсӧ.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Еремей 26:4

Висьтав налы, мый Господь тадзи висьталӧ: ті кӧ онӧ кутӧй кывзыны Менӧ, онӧ кутӧй овны Менам Индӧд серти, мый Ме сеті тіянлы,

Еремей 34:15

А ті мӧд нога вӧчинныд, вӧчинныд Менам син водзын шогманасӧ: лэдзинныд вӧля вылӧ ассьыныд кесйӧг-вокъяснытӧ, кыдзи сёрнитчинныд Ме водзын Менам нимлы сиӧм керкаын.

Езекиль 36:27

Ассьым лолӧс пукта тіян пытшкӧ да вӧча сідз, мый ті кутанныд овны Менам индӧд-тшӧктӧмъяс серти.

Левит 20:26

Лоӧй вежаӧсь Ме водзын, ӧд Ме вежа. Ме – Господь [тіян Енныд]. Ме торйӧді тіянӧс мукӧд войтыръясысь, медым ті вӧлінныд Менам.

Малакий 4:4

Энӧ вунӧдӧй Менам Мӧисей кесйӧглысь Индӧдсӧ, мый Ме сеті сылы Хорив керӧсын, энӧ вунӧдӧй тшӧктӧмъяссӧ, мый Ме сеті став Израиль войтырлы.

Лыд 5:21

аньлӧн кыв сетӧм бӧрын поп мед водзӧ шуас, – Господь мед вӧчас тэкӧд сідзи, мый тэ лоан ёрӧм улын аслад войтыр пӧвстын. Тэнад гырк пытшкӧсыд мед нёпмунас да кынӧмыд мед пыктас,

Иоан 1:17

Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.

Иоан 15:14

Оланныд кӧ Менам тшӧктӧм серти, ті – Менам ёртъяс.

Иоан 7:19

Эз-ӧ Мӧисей сет тіянлы Индӧдсӧ? Но некод тіян пиысь оз ов Индӧд сертиыс. Сідзкӧ, мыйла кӧсъянныд Менӧ винысӧ?»

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 17:34

Кодсюрӧ эскисны да ӧтувтчисны Павелкӧд. Тайӧ вӧліны Ареопагысь Дионисий, Дамарь нима ань да мукӧд.

Ап. уджъяс 23:21

Но тэ найӧс эн кывзы. На чукӧрысь нелямын сайӧ морт кыйӧдӧмӧн лӧсьӧдчӧны вины Павелӧс. Найӧ кыв сетӧмаӧсь, мый оз кутны сёйны-юны, кытчӧдз оз вины сійӧс. Найӧ ӧні дасьӧсь нин, виччысьӧны сӧмын тэнсьыд шуӧмтӧ».

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Индӧд 33:4

Мӧисей сетіс миянлы Индӧд, козьналіс сійӧс Яков котырлы.

Индӧд 5:1

Мӧисей чукӧртіс став Израиль войтырсӧ да шуис: «Кывзы, Израиль! Талун ме висьтала тіянлы индӧд-тшӧктӧмъяс. Велӧдӧй найӧс да олӧй на серти.

Индӧд 5:32

Видзчысьӧй, ставсӧ вӧчӧй сідзи, кыдзи тшӧктӧ Господь, тіян Енныд. Энӧ кежӧй веськыдвылӧ ни шуйгавылӧ.