Неемий 1:2 - Коми Библия 2023

² Сэтчӧ Иуда муысь локтіс менам Ханани вокӧй, сыкӧд вӧлі некымын морт. Ме юаси найӧс пленысь локтӧм иудейяслӧн коляс йылысь да Ерусалим йылысь.

Неемий 1:2 Kruisverwysings

Олӧм 14:10

Сиддим ковтысын вӧлі уна сир гу. Содомса да гомораса ӧксыяс пышйиганыс усьласисны сир гуясӧ, а мукӧдыс пышйисны керӧсъясӧ.

Ӧксыяслӧн 4 небӧг 24:14

Ерусалимысь став олысьсӧ, став веськӧдлысьсӧ да тышкайӧзсӧ Навукодоносор нуӧдіс пленӧ. Налӧн лыдыс вӧлі дас сюрс морт. Сійӧ нӧшта нуӧдіс пленӧ став тшупсьысьсӧ да дорччысьсӧ, колис Ерусалимӧ сӧмын гӧль йӧзӧс.

Ӧксыяслӧн 4 небӧг 25:12

Сӧмын гӧль йӧз пӧвстысь этшаникӧс Навузардан кольӧдіс уджавны виноград йӧрын да видз-му вылын.

Ездра 9:14

Та бӧрын бара ӧмӧй ми торкам Тэнсьыд тшӧктӧмъястӧ да рӧдвужасям тайӧ пеж войтыръясыскӧд? Тэ ӧд верман чорыда скӧрмыны миян вылӧ да дзикӧдз бырӧдны миянӧс, мый весиг ӧти морт оз коль.

Неемий 7:2

Ме пукті Ерусалимын юравны ассьым Ханани вокӧс да Хананейӧс, изкарӧн веськӧдлысьӧс, коді эз вудж ассьыс кывсӧ, а поліс Енмысь. Ме тшӧкті налы:

Еремей 44:14

Иудалӧн коляс войтыр пӧвстысь, кодъяс овмӧдчисны Египетӧ, некод оз мездмы, ловйӧн оз коль. Найӧ бӧр оз бергӧдчыны Иуда муӧ, кытчӧ ёна кӧсйӧны бӧр локны, медым овны сэні. Сӧмын некымын морт пышъясны Египетысь».

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.