Нав Исус 8:2 - Коми Библия 2023

² Вӧч Гай карыскӧд да сэтчӧс ӧксыкӧд сійӧ, мый вӧчин Ерикон каркӧд да сэтчӧс ӧксыкӧд. Но сэтысь ті верманныд босьтны аслыныд тышын шедӧдӧм эмбур да ыж-мӧскӧс. Кар саяс сувтӧд кыйӧдчысьясӧс».

Нав Исус 8:2 Kruisverwysings

2 Каднебӧг 13:13

Аслас тышкайӧз пӧвстысь Еровам мӧдӧдіс кыйӧдчысьясӧс сэтшӧм местаӧ, кысянь позьӧ мышсяньыс уськӧдчыны иудаса тышкайӧз вылӧ, а ачыс мукӧд тышкайӧзыскӧд сувтіс иудаса тышкайӧзлы воча.

2 Каднебӧг 20:22

Кор сьылысьяс пондісны нимкодясьӧмӧн гораа ошкыны Господьӧс, сэки Господь мӧдӧдіс йӧзӧс уськӧдчыны аммонсаяс, моавсаяс да Сеир керӧсвыв муын олысьяс вылӧ, кодъяс кӧсйисны уськӧдчыны Иуда вылӧ. Но Господь пасьвартіс Иудалысь вӧрӧгсӧ,

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Шусьӧгъяс 13:22

Мыж вӧчысьӧс лёкыс суӧ, а веськыда олысьлы бурыс вичмӧ.

Шусьӧгъяс 28:20

Кодлы позьӧ эскыны, сійӧс лоӧ ёна бурсиӧма, но коді тэрмасьӧ озырмыны, мыждытӧг оз коль.

Еремей 17:11

Байдӧг пӧжӧ колькъяс, кодъясӧс сійӧ эз вайлы, татшӧм жӧ сійӧ мортыс, коді ылӧдлӧмӧн озырмӧдчӧ. Олӧм шӧрас сійӧ воштас ставсӧ, кулігас сійӧ лоӧ мывкыдтӧм морт кодь.

Еремей 51:12

Вавилонса стенъяслы паныд кыпӧдӧй дӧрапас, сувтӧдӧй видзӧдысьясӧс, мӧдӧдӧй кыйӧдчысьясӧс. Господь мый мӧвпыштіс, сійӧс и вӧчас. Мый шуис вӧчны вавилонса олысьяслы, сійӧс и збыльмӧдас.

Индӧд 2:35

Аслыным ми босьтім сӧмын налысь ыж-мӧссӧ да каръясысь петкӧдӧм эмбур-кӧлуйсӧ.

Индӧд 20:14

Но аньясӧс, челядьӧс, пемӧсъясӧс да карсьыс ставсӧ босьтӧй аслыныд. Вӧдитчӧй вӧрӧгныдлысь босьтӧмторнас, мый Господь, тіян Енныд, сетіс тіянлы.

Индӧд 3:2

Господь шуис меным: ”Эн пов сыысь. Тэнад киӧ Ме сета сійӧс, сылысь войтырсӧ да мусӧ. Пасьварт сійӧс, кыдзи тэ пасьвартін аморей войтырлысь Сигон ӧксысӧ, коді юраліс Хешбонын”.

Нав Исус 10:1

Ерусалимса Адони-Седек ӧксылы кывсис, мый Исус босьтӧма да дзикӧдз бырӧдӧма Гай карсӧ да сэтчӧс ӧксыӧс, кыдзи бырӧдӧма Ерикон карсӧ да сэтчӧс ӧксыӧс. Нӧшта кывсис, мый гаваонса олысьяс кӧрталӧмаӧсь йитӧд [Исускӧд да] израильсаяскӧд да кольччӧмаӧсь овны на пӧвстӧ.

Нав Исус 10:28

Тайӧ лунӧ Исус босьтіс Македа кар, шыпуртӧн виис сэтчӧс олысьясӧс да налысь ӧксысӧ. Дзикӧдз бырӧдіс став ловъя олысьсӧ. Некод ловйӧн эз коль [и эз пышйы]. Македаса ӧксылы Исус вӧчис ериконса ӧксылы моз.

Нав Исус 11:14

Тайӧ каръясысь шедӧдӧмторсӧ да ыж-мӧссӧ Израиль пиян босьтісны аслыныс. А став йӧзсӧ виалісны шыпуртӧн, ловъя морт эз коль.

Нав Исус 6:21

Тайӧ муас кыйӧдчыны волысь кык мортлы Исус шуис: «Мунӧй кырсалысь аньлӧн керкаӧ да кыв сетӧм сертиныд петкӧдӧй сійӧс да став сылысь гортсасӧ».

Нав Исус 8:12

Найӧ сувтісны Гай кар войвывладорӧ. Карсьыс найӧс торйӧдіс ковтыс. Гайсянь рытыввылӧ, Вефиль да Гай костӧ, Исус пуксьӧдіс кыйӧдчыны вит сюрс мортӧс.

Нав Исус 8:14

Кор гайса ӧксы водз асывнас аддзис израильсаясӧс, сійӧ дзик пыр петіс став аслас тышкайӧзкӧд индӧм местаӧ Йӧрдан ковтыслань, медым уськӧдчыны израильсаяс вылӧ. Сійӧ эз тӧд, мый кар сайын эмӧсь кыйӧдчысьяс.

Нав Исус 8:19

Кыйӧдчысьясыс мыйӧн аддзисны Исуслысь ки лэптӧмсӧ, уськӧдчисны кар вылӧ, босьтісны сійӧс да дзик пыр сотісны.

Нав Исус 8:24

Гайса айуловӧс овтӧминын шыпуртӧн виалӧм бӧрын израильсаяс бергӧдчисны Гай карӧ да сэтысь виалісны шыпуртӧн быдӧнӧс.

Нав Исус 8:3

Исус став аслас тышкайӧзкӧд дасьтысис уськӧдчыны Гай кар вылӧ. Сійӧ бӧрйис комын сюрс медбур тышкамортӧс да войнас мӧдӧдіс найӧс.

Нав Исус 8:7

ті петанныд кыйӧдчанінсьыд да босьтанныд карсӧ. Господь, тіян Енныд, сетас сійӧс тіян киӧ.

Нав Исус 8:8

Карсӧ босьтӧм бӧрын сотӧй сійӧс Господьлӧн шуӧм серти. Тайӧ менам тшӧктӧм тіянлы».

Нав Исус 8:9

Исус тшӧктіс мунны налы. Найӧ сувтісны кыйӧдчыны Вефиль да Гай костӧ, Гайсянь рытыввылӧ. Исус тайӧ войсӧ узис тышкайӧзыс пӧвстын.

Нав Исус 9:3

Но кор Гаваон карса олысьяс тӧдмалісны, мый Исус вӧчис Ерикон да Гай каръяслы,