Нав Исус 8:14 - Коми Библия 2023

¹⁴ Кор гайса ӧксы водз асывнас аддзис израильсаясӧс, сійӧ дзик пыр петіс став аслас тышкайӧзкӧд индӧм местаӧ Йӧрдан ковтыслань, медым уськӧдчыны израильсаяс вылӧ. Сійӧ эз тӧд, мый кар сайын эмӧсь кыйӧдчысьяс.

Нав Исус 8:14 Kruisverwysings

Еклесиаст 9:12

Мортыд оз тӧд ассьыс оландырсӧ. Тывйыштӧм чериӧс моз, дзугйӧ гартчӧм лэбачӧс моз мортсӧ лоӧ тывйыштӧма сьӧкыд кадӧ, мый виччысьтӧг суас сійӧс.

Исай 19:11

Цоанса веськӧдлысьяс дзик мывкыдтӧмӧсь, фараонлӧн сюсь вежӧра туйдӧдысьяслӧн вӧзйӧмъясыс ковтӧмӧсь. Ті ӧмӧй верманныд шуны фараонлы: «Ме – мывкыда йӧзлӧн пи, ме – важся ӧксысянь чужысь».

Исай 19:13

Цоанса веськӧдлысьяс дзикӧдз вежӧртӧммисны, мемфисса ыджыдалысьяс пӧрйӧдлӧны асьнысӧ, чужанкотыръяслӧн юралысьяс кежӧдісны Египетӧс бур туй вывсьыс.

Даниил 4:31

«Урчитӧм кад кольӧм мысти ме, Навукодоносор, лэпті синмӧс енэжланьыс, и ме бӧр вои ас вежӧрӧ. Сэки ме аттьӧалі Медвылыссаӧс, ошки-нимӧді пыр Олысьӧс: – Сылӧн ыджыдалӧмыс – нэмъяс чӧж, Сылӧн юралӧмыс – чужысьяссянь чужысьясӧдз.

Матвей 24:39

Кытчӧдз эз су найӧс ойдӧмыс да ваӧ пӧдӧмыс, найӧ эз вежӧртны, мый виччысьӧ найӧс. Тадзи жӧ лоас Морт Пи локтігӧн.

Матвей 24:50

Но виччысьтӧм лунӧ, лӧсявтӧм кадӧ, кесйӧглӧн ыджыдыс воас.

Индӧд 1:1

Мӧисей сёрнитіс став Израиль войтыркӧд, кор найӧ вӧліны Йӧрдан ю сайын овтӧминын, Суфлы паныда ковтысын, Паран кар да Тофел, Лаван, Хацерот да Дизахав каръяс костын.

Нав Исус 8:13

Тадзи медшӧр тышкайӧзыс сулаліс войвылын, а ӧти котырыс – рытыввылын. Войнас Исус петіс ковтыс шӧрас.

Нав Исус 8:15

Исус аслас йӧзкӧд пышйис овтӧминлань, татшӧм ногӧн кӧсйис петкӧдлыны, быттьӧ вермисны сійӧс.

Нав Исус 8:16

Гай карса став айуловсӧ чукӧстісны, медым вӧтӧдны израильсаясӧс. Исус бӧрся вӧтчигӧн найӧ ылыстчисны карсьыс.

Нав Исус 8:5

Мукӧдыскӧд ме матыстча кар дорас. Гайын олысьяс воддза мозыс уськӧдчасны миян вылӧ, а ми пышъям наысь.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Ёрдысьяс 20:37

Кыйӧдчысьяс уськӧдчисны Гива кар вылӧ, пырисны карас да ставнысӧ сэтысь виалісны шыпуртӧн.