Нав Исус 8:10 - Коми Библия 2023

¹⁰ Водз асывнас Исус кытшовтіс тышкайӧзсӧ, сэсся израильса юрнуӧдысьяскӧд сувтіс тышкайӧз водзвылӧ, и найӧ мӧдӧдчисны Гайлань.

Нав Исус 8:10 Kruisverwysings

Олӧм 22:3

Ӧвраам чеччис водз, босьтіс осёлсӧ, кык кесйӧгӧс да Исаак писӧ. Сэсся поткӧдліс пес, медым вайны сотан вись, да мӧдӧдчис сэтчӧ, кытчӧ тшӧктіс сылы Ен.

Нав Исус 3:1

Водз асывнас Исус да став Израиль войтыр мӧдӧдчисны Ситтимысь да воисны Йӧрдан ю дорӧ, но эз вуджны сійӧс.

Нав Исус 6:12

Господьлӧн куд водзвылас мунісны сизим поп да буксісны буксанӧн. Попъяс водзвылын мунісны шыпуртаяс, а Господьлӧн [Йитӧд] куд бӧрся мунісны мукӧд тышкайӧз. Мунігчӧжныс дугдывтӧг буксісны буксанӧн.

Нав Исус 7:16

Мӧд луннас Исус чеччис водз, тшӧктіс Израиль войтырлы матыстчыны чужанкотыр сертиныс. Вӧлі индӧма Иуда чужанкотыр вылӧ.

Нав Исус 8:11

Исус тышкайӧзыскӧд матыстчис карлань [асыввывсяньыс, а кыйӧдчаніныс вӧлі кар рытыввылын].

Нав Исус 8:9

Исус тшӧктіс мунны налы. Найӧ сувтісны кыйӧдчыны Вефиль да Гай костӧ, Гайсянь рытыввылӧ. Исус тайӧ войсӧ узис тышкайӧзыс пӧвстын.