Нав Исус 8:1 - Коми Библия 2023

¹ Господь шуис Исуслы: «Эн пов да эн тірав. Босьт аскӧдыд тышӧ петны вермысьясӧс да мун Гайӧ. Ме сета тэнад киӧ сэтчӧс ӧксыӧс да сылысь войтырсӧ, карсӧ да ставнас мусӧ.

Нав Исус 8:1 Kruisverwysings

Псалтыр 27:1

Давидлӧн псалом. Господьӧй, ме шыася Тэ дінӧ, Тэ менам Дорйысьӧй. Кор шыася Тэ дінӧ, эн чӧв ов. Тэ кӧ кутан чӧв овны, ме кула.

Псалтыр 44:3

Ӧксыӧй, став йӧзыс пӧвстысь тэ медся мичаыс, тэнад вомысь петӧны мелі кывъяс, та вӧсна Енмыс бурсиис тэнӧ нэмъяс кежлӧ.

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Исай 43:2

Кор тэ кутан вуджны ыджыд ва вомӧн, Ме лоа тэкӧд, кор кутан вуджны ю вомӧн, сійӧ оз пӧдты тэнӧ, кор мунан би пыр, сійӧ оз сот и оз чишкав тэнӧ.

Еремей 46:27

– Эн пов, Менам Яков кесйӧгӧй, эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 49:3

Сыркъялӧмӧн бӧрд, Хешбон, ӧд Гай карӧс куштӧма-пазӧдӧма. Гораа горзӧй, Равва карса нывъяс, пасьталӧй шогалан паськӧм, бӧрдӧй да шӧйтӧй-ветлӧдлӧй йӧр пӧлӧн, ӧд Милком идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 4:25

Став тайӧ шуӧмыс иніс Навукодоносор олӧмын.

Матвей 8:26

Исус шуис: «Мыйла ті сэтшӧм полысьӧсь, этша эскысьяс?» Сэсся Исус чеччис, ӧлӧдіс тӧвсӧ да васӧ, и вӧвлытӧм чӧв-лӧнь пуксис.

Индӧд 1:21

Господь, тіян Енныд, сетас тіянлы тайӧ мусӧ. Мунӧй да босьтӧй сійӧс аслыныд, кыдзи Господь, тіян батьяслӧн Ен, тшӧктіс тіянлы. Энӧ полӧй да энӧ тіралӧй!”

Индӧд 31:8

Господь Ачыс мунас тэ водзвылын. Сійӧ лоас тэкӧд, оз эновт тэнӧ да оз коль тэнӧ. Эн пов да эн тірав!»

Индӧд 7:18

Энӧ полӧй наысь! Энӧ вунӧдӧй, мый вӧчис Господь, тіян Енныд, фараонлы да став Египетлы.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Нав Исус 10:7

Тайӧс кылӧм бӧрын Исус мӧдӧдчис Галгалысь аслас тышкайӧзкӧд, код пӧвстын вӧліны медбур тышкасьысьяс.

Нав Исус 10:8

Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».

Нав Исус 2:24

«Господь [миян Енным] сетіс миян киӧ сійӧ мусӧ, – шуисны найӧ Исуслы. – Сэтчӧс олысьяс ставныс ёна полӧны миянысь».

Нав Исус 6:2

Аслад став тышкайӧзкӧд ӧтчыдысь луннас кытшовтӧй кар гӧгӧрыс. Тадзи вӧчӧй квайт лун чӧж.

Нав Исус 7:9

Кор ханаансаяс да тайӧ муас мукӧд олысьыс кыласны та йылысь, найӧ кытшаласны миянӧс да вуштасны нимнымӧс войтыръяс пӧвстысь. Мый Тэ вӧчан, медым дорйыны Ассьыд ыджыд нимтӧ?»