Нав Исус 7:6 - Коми Библия 2023

⁶ Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Нав Исус 7:6 Kruisverwysings

Олӧм 37:29

Кор Рувим локтіс юкмӧс дорӧ да аддзис, мый Ӧсип вокыс абу сэні, косяліс ассьыс паськӧмсӧ.

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Ӧксыяслӧн 2 небӧг 1:11

Сэки Давид косяліс ассьыс паськӧмсӧ. Йӧзыс, кодъяс вӧліны сыкӧд, тшӧтш тадзи вӧчисны.

Ӧксыяслӧн 2 небӧг 1:12

Найӧ рытӧдзыс видзалісны да ырзӧмӧн бӧрдісны шыпурт помысь кулӧм израильсаяс вӧсна: Саул вӧсна, сылӧн Ионафан пиыс вӧсна да Господьлӧн тышкайӧзыс вӧсна.

Ӧксыяслӧн 2 небӧг 1:2

Коймӧд луннас Сауллӧн тышкайӧз пӧвстысь локтіс ӧти морт. Паськӧмсӧ сійӧ вӧлі косялӧма, юрсӧ коялӧма муӧн. Сійӧ матыстчис Давид дінӧ да муӧдзыс уськӧдчис сы водзӧ.

Ӧксыяслӧн 2 небӧг 12:16

Давид кевмысис Енлы пи вӧснаыс. Сійӧ видзаліс да войбыд куйліс му вылас.

Ӧксыяслӧн 2 небӧг 13:31

Сэки ӧксы косяліс ассьыс паськӧмсӧ да кымынь уськӧдчис муас. Сыкӧд орччӧн сулалысь кесйӧгъяс тшӧтш косялісны паськӧмнысӧ.

Ӧксыяслӧн 4 небӧг 22:11

Индӧд небӧгысь кывъяссӧ кылӧм бӧрын ӧксы косяліс ассьыс паськӧмсӧ.

2 Каднебӧг 34:19

Кор ӧксы кыліс Индӧд небӧгысь кывъяссӧ, сійӧ косяліс паськӧмсӧ.

Ездра 10:1

Кор Енлӧн крам водзын Ездра бӧрдӧмӧн да муас уськӧдчӧмӧн кевмысис да висьтасис войтырыслӧн мыжъясысь, сы дінӧ чукӧртчис Израиль войтырысь зэв уна йӧз – айулов, аньяс и челядь. Ставныс найӧ тшӧтш ёна бӧрдісны.

Неемий 9:1

Кызь нёльӧд лунӧ сійӧ жӧ тӧлысьнас Израиль войтыр чукӧртчис, мед видзавны. Найӧ пасьталісны шогалан паськӧм да коялісны юрнысӧ муӧн.

Эсфир 4:1

Кор Мардокей тӧдмаліс та йылысь, сійӧ косяліс паськӧмсӧ, пасьталіс шогалан паськӧм, кояліс юрсӧ пӧимӧн да петіс кар шӧрӧ. Сійӧ ырзӧмӧн бӧрдіс да гораа горзіс. [Горӧдіс: «Мыжтӧм войтырӧс бырӧдӧны!»]

Эсфир 4:3

Ӧксыув муясын, кытчӧ нуисны ӧксылысь тшӧктӧмсӧ, иудейяс ёна шогалісны, видзалісны да ырзӧмӧн бӧрдісны. Уналы чорыд дӧраыс да пӧимыс вӧлі вольпасьӧн.

Иов 1:20

Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.

Иов 2:12

Найӧ ылісянь на аддзисны Иовӧс, но эз тӧдны сійӧс. Сэки найӧ пондісны ырзӧмӧн бӧрдны, косялісны паськӧмнысӧ да юр весьтаныс коялісны му енэжланьыс.

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Бӧрданкыв 2:10

Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.

Лыд 14:6

Навлӧн Исус пиыс да Ефуннилӧн Калев пиыс, кодъяс мукӧдыскӧд ветлісны видзӧдлыны Ханаан му, косялісны паськӧмнысӧ

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»

Лыд 16:45

«Вешйӧй тайӧ войтырыс дінысь! Найӧс ставнысӧ Ме бырӧда ӧти здукӧн». Но Мӧисей да Аарон кымынь уськӧдчисны муас.

Ап. уджъяс 14:14

Тайӧс кылӧм бӧрын апостолъяс, Варнава да Павел, косялісны паськӧмнысӧ да котӧрӧн уськӧдчисны йӧз чукӧр пытшкӧ, пондісны гораа шуавны:

Нав Исус 7:7

«Господьӧй Ыджыдӧй! Мыйла Тэ вуджӧдін тайӧ войтырсӧ Йӧрдан ю вомӧн? Медым сетны миянӧс аморейяслӧн киӧ? – юасис Исус. – Бурджык, ми кӧ кольччим Йӧрдан ю сайӧ да олім сэні!

Восьтӧм 18:19

Найӧ коялісны юрнысӧ пӧимӧн, шогсисны-бӧрдісны да шуалісны: – Курыд шог тэныд, ыджыд кар! Аслад озырлунӧн тэ озырмӧдін саридз вылын кывтысьясӧс. Ӧти здукӧн тэ воштін ставсӧ!

Ёрдысьяс 11:35

Нывсӧ аддзӧм бӧрын Еффай косяліс паськӧмсӧ да горӧдіс: «Нылӧй, тэ уськӧдін менӧ кок йывсьым! Тэ шог вайин меным! Ме кыв сеті Господьлы, и бӧрсӧ босьтны ме ог вермы».

Ёрдысьяс 20:26

Та бӧрын став израильса тышкайӧзыс локтісны Вефильӧ. Пукалісны сэні Господь водзын да бӧрдісны. Рытӧдзыс видзалісны, вайисны Господьлы сотан да бурасян висьяс.

Ёрдысьяс 21:2

Израиль войтыр локтіс Вефильӧ. Сэні найӧ рытӧдзыс пукалісны Ен водзын да ырзӧмӧн гораа бӧрдісны.

Ӧксыяслӧн 1 небӧг 4:12

Сійӧ жӧ лунӧ Венямин чужанкотырысь ӧти морт тэрмасьӧмӧн локтіс тышкасянінысь Силомӧ. Паськӧмсӧ сійӧ вӧлі косялӧма, юрсӧ коялӧма муӧн.