Нав Исус 7:26 - Коми Библия 2023

²⁶ Ӧнӧдз на тайӧ ыджыд из чукӧрыс сулалӧ сійӧ местаас, мый шуӧны Акор ковтысӧн сэні лоӧмтор вӧсна. Аканлӧн кулӧм бӧрын Господьлӧн скӧрлуныс лӧнис.

Нав Исус 7:26 Kruisverwysings

Ӧксыяслӧн 2 небӧг 18:17

Авессаломлысь шойсӧ колисны вӧрас, шыбитісны джуджыд гуӧ да тыртісны изъясӧн. А израильсаяс ставныс пышйисны гортаныс.

Ӧксыяслӧн 2 небӧг 21:14

Найӧс дзебисны ӧтлаын Саулкӧд да Ионафанкӧд Венямин муӧ Села карӧ, Сауллӧн Кис батьыслӧн дзебанінӧ. Ставсӧ вӧчисны ӧксылӧн тшӧктӧм серти. Та бӧрын Енмыс кыліс войтырлысь му вӧсна кевмӧмсӧ.

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

Ездра 10:14

Веськӧдлысьясным мед сувтасны миян пыдди. А миян каръясын олысьяс, кодъяс босьтісны гӧтыръяссӧ мукӧд войтырысь, мед локтасны урчитӧм кадӧ асланыс карса юрнуӧдысьяскӧд да ёрдысьяскӧд. Гашкӧ, татшӧм ногӧн Енмыс вештас миян вылысь мыжным вӧсна ыпъялысь скӧрлунсӧ».

Псалтыр 85:4

Господьӧй, гажӧд Ассьыд кесйӧгтӧ, Тэныд ме восьта ассьым сьӧлӧмӧс.

Петӧм 32:12

Ӧд египетсаяс кутасны шуны, Енмыс пӧ петкӧдіс найӧс, медым керӧсъяс вылын вины найӧс да бырӧдны му вылысь. Дугды скӧравнытӧ, Господьӧй, эн бырӧд Ассьыд войтыртӧ.

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Исай 65:10

Менам войтырлы, коді корсьысьӧ Менӧ, Шарон ласта лоӧ ыжъяслы йирсянінӧн, Акор ковтыс – мӧсъяслы шойччанінӧн.

Бӧрданкыв 3:53

Найӧ ловйӧн шыбитісны менӧ гуӧ, изъялісны менӧ.

Осий 2:15

Сэні Ме бӧр сета сылы ассьыс виноград йӧръяссӧ, Акор ковтыс лоӧ сылы лачасӧ сетысьӧн. Сэні сійӧ кутас кывзысьны томдырйиыс моз, Египетысь петігӧныс моз.

Осий 2:17

Ме бырӧда сылӧн сёрниысь идолъяслысь нимъяссӧ, сійӧ пыр кежлӧ вунӧдас найӧс.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Йоиль 2:18

Сэки Господь сувтас дорйыны Ассьыс мусӧ, Сійӧ бурсьӧлӧмтчас Аслас войтырыс дінӧ.

Иона 1:15

Сэсся босьтісны Ионаӧс да шыбитісны саридзӧ. Саридз пырысьтӧм-пыр лӧнис.

Закар 6:8

Господь корис менӧ да шуис: «Видзӧд, войвыв муӧ мунысь вӧвъяс лӧньӧдісны войвыв му дінӧ Менсьым скӧрлунӧс».

Лыд 25:8

Пинес муніс тайӧ израильса морт бӧрсяыс, пырис сылӧн чомйӧ, сатшкис сійӧс да мадианса аньӧс кынӧмас. Та бӧрын Израиль пиянӧс бырӧдӧмыс лӧнис.

Индӧд 13:17

Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Индӧд 13:18

Тадзи лоӧ, ті кӧ кутанныд кывзысьны Господьлысь, асланыд Енлысь, овны став Сылӧн тшӧктӧмыс серти, мый талун висьтала тіянлы, и вӧчны Господь Енныд водзын [бурсӧ да] шогманасӧ».

Нав Исус 10:27

Шонді пуксигӧн Исус тшӧктіс лэдзны шойяссӧ пуяс вылысь да шыбитны кырта горсйӧ, кӧні ӧксыясыс дзебсясисны. Кырта горс пыранінсӧ тупкисны ыджыд изъясӧн. Тайӧ изъясыс ӧнӧдз сэнӧсь.

Нав Исус 7:24

Израиль войтыркӧд Исус петкӧдіс Акор ковтысӧ Зерахлысь Акан писӧ, Господьлы сиӧмторйысь босьтӧм паськӧмсӧ, эзысьсӧ да зарни ёкмыльсӧ, тшӧтш сылысь ныв-писӧ, ыж-мӧссӧ, осёлъяссӧ да чомсӧ – дзик ставсӧ, мый сылӧн вӧлі.

Нав Исус 8:29

Гайса ӧксыӧс Исус ӧшӧдіс пу вылӧ, сійӧ ӧшаліс сэні рытӧдзыс. Шонді лэччӧм бӧрын Исуслӧн тшӧктӧм серти шойсӧ лэдзисны сэтысь, шыбитісны карса дзиръя дорӧ да тыртісны изъясӧн. Ӧнӧдз на сэні эм ыджыд из чукӧрыс.