Нав Исус 7:21 - Коми Библия 2023

²¹ Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».

Нав Исус 7:21 Kruisverwysings

Олӧм 10:10

Медводдза каръясӧн сылӧн юралӧм улын вӧліны Вавилон, Эрек, Аккад да Калне. Тайӧ каръясыс вӧліны Сеннар муын.

Олӧм 3:6

Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Олӧм 34:27

Сэсся Яковлӧн пияныс бӧр локтісны да петкӧдісны карсьыс став озырлунсӧ. Тадзи найӧ вӧчисны Дина чойнысӧ янӧдӧм вӧсна.

Олӧм 6:2

сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Ӧксыяслӧн 2 небӧг 11:2

Ӧтчыд рытладорыс Давид чеччис вольпасьсьыс да петіс ыркӧдчыны керка вевт вылас. Сэтысянь сійӧ аддзис мыссьысь-сӧстӧммӧдчысь аньӧс. Аньыс вӧлі зэв мича.

Ӧксыяслӧн 4 небӧг 7:8

Проказаӧн висьысьяс матыстчисны арамейяслӧн сувтанін дорӧ да пырисны ӧти чомйӧ. Сэні найӧ сёйисны-юисны, босьтісны сэтысь зарни-эзысь да паськӧм, сэсся мунісны да дзебисны ставсӧ, мый босьтісны. Найӧ бӧр локтісны да пырисны мӧд чомйӧ. Сэтысь тшӧтш босьтісны мыйсюрӧ, мунісны да дзебисны ставсӧ.

Иов 31:1

Ме кӧрталі йитӧд аслам синкӧд, мый ог кут кыйявны аньяс вылӧ.

Петӧм 20:17

Эн ышты матыссаыдлӧн керкаыс да гӧтырыс вылӧ, [муыс вылӧ,] кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм».

Шусьӧгъяс 1:19

Татшӧм туйыс сылӧн, коді горшасьӧ йӧз эмбур вылӧ, сэті мунысь воштӧ ловсӧ.

Шусьӧгъяс 23:31

Эн видзӧд виналӧн гӧрд рӧмыс вылӧ, эн видзӧд юан дозйысь сылысь ворсӧдчӧмсӧ. Кокньыд сійӧс ньылыштнысӧ,

Шусьӧгъяс 28:22

Колысь морт тэрмасьӧ озырмыны, но оз тӧд, мый гӧльлун суас сійӧс.

Шусьӧгъяс 4:23

Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Исай 28:15

Ті шуанныд: «Ми кӧрталім йитӧд кулӧмыскӧд, ми сёрнитчим пыдӧстӧминыскӧд. Кор вӧрӧг ыльӧбтас бырӧдны, сійӧ оз суӧд миянӧс, ӧд ылӧгыс лои миянлы сайӧдчанінӧн, пӧръясьӧмыс – вевттьӧдӧн».

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Лука 12:2

Став дзебӧмаыс тыдовтчас да став гусяыс йӧзасяс.

Ефесӧ 5:3

Ті – вежа войтыр. Сідзкӧ, некутшӧм кырсалӧм, пеж оласног да горшасьӧм мед эз вӧв тіян пӧвстын. Весиг энӧ сёрнитӧй та йылысь!

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Яков 1:15

Лёк кӧсйӧмыс содӧ-быдмӧ да чужтӧ мыж, а вӧчӧм мыжыс чужтӧ кулӧм.

Нав Исус 7:20

Акан шуис Исуслы: «Збыльысь, ме вӧчи мыжсӧ Израильлӧн Господь Енлы паныд. Со мый вӧчи.

Нав Исус 7:22

Исус мӧдӧдіс йӧзӧс Аканлӧн чомйӧ. Найӧ котӧрӧн мунісны сэтчӧ да аддзисны ставсӧ, мый вӧлі дзебӧма чомъяс. Эзысьыс вӧлі медпыдын.

2 Петыр 2:15

Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс.