Нав Исус 7:2 - Коми Библия 2023

² Исус мӧдӧдіс ассьыс йӧзсӧ Ериконысь Гайӧ. Гай кар вӧлі Бет-Авенсянь матын, Вефильсянь асыввылын. Исус тшӧктіс налы: «Мунӧй видзӧдалӧй мусӧ». Найӧ ветлісны видзӧдавны Гай кар.

Нав Исус 7:2 Kruisverwysings

Олӧм 12:8

Сэтысянь Ӧврам мӧдӧдчис керӧслань, Вефильсянь асыввылӧ. Сэні сувтӧдіс ассьыс чомсӧ сідз, мый Вефиль вӧлі рытыввылын, а Гай – асыввылын. Сэсся вӧчис Господьлы висьпуктанін да шыасис Господь дінӧ.

Олӧм 28:19

Тайӧ местасӧ Яков нимтіс Вефильӧн, а таӧдз нимыс вӧлі Луз.

Ӧксыяслӧн 3 небӧг 12:29

Ӧти ӧшсӧ сійӧ сувтӧдіс Вефильӧ, а мӧдсӧ – Данӧ.

Неемий 11:31

Венямин чужанкотырлӧн оланінъясыс вӧліны Гевасянь да водзӧ: Микмас, Айя, Вефиль да сыгӧгӧрса сиктъяс,

Шусьӧгъяс 20:18

Могъястӧ сувтӧд туйдӧдӧмсӧ кывзӧм бӧрын, туйдӧдтӧг тышӧ эн пет.

Шусьӧгъяс 24:6

Туйдӧдтӧг тышӧ эн пет, туйдӧдысьыд кор уна, верман.

Исай 10:28

Ассурса тышкайӧз локтісны Айят кар пыр, мунісны Мигрон кар бокиті, Микмасын найӧ колисны ассьыныс эмбурнысӧ.

Еремей 49:3

Сыркъялӧмӧн бӧрд, Хешбон, ӧд Гай карӧс куштӧма-пазӧдӧма. Гораа горзӧй, Равва карса нывъяс, пасьталӧй шогалан паськӧм, бӧрдӧй да шӧйтӧй-ветлӧдлӧй йӧр пӧлӧн, ӧд Милком идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

Нав Исус 12:9

Пасьвартӧм ӧксыяслӧн каръясыс: Ерикон, Вефильсянь матын сулалысь Гай кар,

Нав Исус 18:12

Венямин чужанкотырлӧн войвыв мудорыс заводитчӧ Йӧрдан ю дорсянь, мунӧ Ерикон кар бокті войвывладорсяньыс, сэсся кыпӧдчӧ рытыввылӧ керӧсвыв муӧ да помасьӧ Бет-Авен овтӧминын.

Нав Исус 2:1

Ситтимсянь Навлӧн Исус пиыс гусьӧн мӧдӧдіс кык кыйӧдчысьӧс. Налы шуис: «Ветлӧй тӧдмавны Ханаан мусӧ да Ерикон карсӧ». Найӧ мунісны [Ериконӧ] да пырисны керкаӧ, кӧні оліс Раав нима кырсалысь ань. Найӧ узьмӧдчисны сы ордӧ.

Нав Исус 7:3

Локтӧм бӧраныс найӧ шуисны Исуслы: «Став тышкайӧзлы сэтчӧ оз ков мунны, а сӧмын кык-ӧ-куим сюрс мортлы. Найӧ пасьвартасны Гай кар. Оз ков мудзтӧдны став тышкайӧзсӧ, ӧд сэні олысьыс абу уна».

Ӧксыяслӧн 1 небӧг 13:5

Филистимсаяс лӧсьӧдчисны петны тышӧ Израильлы паныд. Налӧн вӧлі комын сюрс тарантас да квайт сюрс верзьӧма, а пода йӧзыс – саридздор лыа мында. Филистимса тышкайӧз локтісны да сувтісны Микмасӧ, Бет-Авенсянь асыввывладорӧ.

Ӧксыяслӧн 1 небӧг 14:23

Сійӧ лунӧ Господь мездіс Израиль войтырӧс. Тышыс воис Бет-Авенӧдз. [Саулкӧд ставнас йӧзыс вӧлі дас сюрс морт. Тышыс муніс Ефрем керӧсвыв му пасьтала, став карас.]

Ӧксыяслӧн 1 небӧг 30:27

Давид ыстіс козинъяссӧ Вефильӧ, лунвыв Рамотӧ, Яттирӧ, [Гефорӧ,]