Нав Исус 7:19 - Коми Библия 2023

¹⁹ Исус шуис Аканлы: «Пыдди пукты Израильлысь Господь Енсӧ да висьтась Сы водзын аслад мыжысь. Висьтав меным, мый тэ вӧчин, нинӧм эн дзеб».

Нав Исус 7:19 Kruisverwysings

Ӧксыяслӧн 4 небӧг 20:15

«Мый найӧ аддзылісны тэнад керкаысь?» – юаліс Исай. Езекей вочавидзис: «Найӧ аддзылісны ставсӧ. Ме петкӧдлі налы озырлун видзанінъясысь ставсӧ».

2 Каднебӧг 30:22

Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ.

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.

Псалтыр 51:3

Вына мортӧй, мыйла ошйысян лёк вӧчӧмнад? Енлӧн буралӧмыс оз помасьлы!

Шусьӧгъяс 28:13

Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Исай 13:12

Ме бырӧда йӧзсӧ, и налӧн лыдыс лоас сорастӧм зарни дорысь на этшаджык, офирса зарни дорысь на этшаджык.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Даниил 9:4

Ме кевмыси Господьлы, аслам Енлы, да висьтаси Сылы: «Господьӧй Енмӧй, Тэ ыджыд да повзьӧдана, Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Лука 17:18

Тайӧ бокыса мортысь кындзи некод эз лок ошкыны Енмӧс».

Иоан 9:24

Сэсся мӧдысь корисны сійӧ мортсӧ, коді вӧлі синтӧм, да шуисны сылы: «Кӧсйысь Ен водзын, мый збыльсӧ висьталан. Ми тӧдам: тэнӧ Бурдӧдысьыс – мыжа морт».

Римӧ 10:10

Сьӧлӧмнад эскӧмыд вӧчӧ веськыдӧн, вомнад висьталӧмыд – мездӧ.

2 Тимофейлы 2:25

Сійӧ рам сьӧлӧмӧн туйдӧдӧ паныд сувтысьясӧс, гашкӧ, Енмыс сетас налы позянлун бергӧдчыны мыжъяссьыныс да тӧдмавны збыльсӧ.

Титлы 2:2

Олӧма айуловӧс велӧд лоны авъяӧн, садь да сюсь вежӧраӧн. Мед найӧ топыда кутчысясны эскӧмас, муслунас да зумыдлунас.

Яков 1:20

Ӧд мортлӧн скӧралӧмыс оз вай Ен нога веськыд олӧмсӧ.

Нав Исус 7:20

Акан шуис Исуслы: «Збыльысь, ме вӧчи мыжсӧ Израильлӧн Господь Енлы паныд. Со мый вӧчи.

Восьтӧм 16:9

Ёна пӧжӧмысла йӧзыс сотчисны да лёкӧдісны Енлысь нимсӧ, ӧд тайӧ бырӧданторъясыс вӧліны Енсянь. Но йӧзыс эз бергӧдчыны Енлань да эз ошкыны Сійӧс.

Ӧксыяслӧн 1 небӧг 14:43

Саул юаліс Ионафанлысь: «Висьтав, мый тэ вӧчин?» Ионафан висьталіс: «Тайӧ бедь помнас ме видлі ма. Сідзкӧ, меным кувны».

Ӧксыяслӧн 1 небӧг 6:5

Вӧчӧй мыльяссӧ да мунытӧ бырӧдысь крысаяссӧ, мед пыдди пуктыны Израильлысь Енсӧ. Гашкӧ, Сійӧ вештас Ассьыс мыждӧмсӧ тіян вылысь, тіян енъяс да тіян му вылысь.