Нав Исус 6:9 - Коми Библия 2023

⁹ Войтырыслы Исус тшӧктіс: «Энӧ горзӧй! Тіянсянь мед весиг шы оз кыв, вомсьыныд мед кыв оз пет, кытчӧдз ме ог тшӧкты тіянлы горӧдны. Сэки горзӧй!»

Нав Исус 6:9 Kruisverwysings

Исай 58:8

Сэки тэнад югыдыд тыдовтчас асъя кыа моз, и тэ регыдӧн бурдан. Тэнад веськыдлуныд мунас тэ водзвывті, а бӧрвывсяньыд тэнӧ видзас Господьлӧн дзирдлуныс.

Лыд 10:25

Медбӧръяӧн асланыс дӧрапас улын тышкайӧз моз петісны туйӧ Дан чужанкотыр да сыкӧд орччӧн сувтлӧм чужанкотыръяс. Дан чужанкотырӧс нуӧдіс Аммишаддайлӧн Ахиэзер пиыс.

Нав Исус 6:10

Господьлысь [Йитӧд] кудсӧ ӧтчыдысь кытшовтӧдісны кар гӧгӧрыс. Вой кежлас ставныс бӧр локтісны асланыс чомъясӧ.

Нав Исус 6:13

Медводдза луннас моз мӧд луннас тшӧтш кытшовтісны карсӧ ӧтчыдысь. Та бӧрын локтісны асланыс чомъясӧ. Тадзи вӧчисны квайт лун чӧж.

Нав Исус 6:8

Шыпуртаяс мунісны буксанӧн буксысь попъяс водзвылын, а [Господьлӧн Йитӧд] куд бӧрся мунісны мукӧд тышкайӧз. Мунігчӧжныс дугдывтӧг буксісны буксанӧн.