Нав Исус 6:4 - Коми Библия 2023

⁴ Кор ті кыланныд буксан шы, став войтырыс мед гораа горӧдас. Сэки карса стенмыс подулӧдзыс киссяс. Быдӧн мед [уськӧдчӧмӧн] пырас карас сэтысянь, кӧні сулалӧ».

Нав Исус 6:4 Kruisverwysings

Олӧм 2:3

Ен бурсиис сизимӧд лунсӧ да вежӧдіс сійӧс, ӧд сэки шойччис став Аслас уджысь.

Ӧксыяслӧн 3 небӧг 18:43

Аслас кесйӧглы шуис: «Мун да видзӧдлы саридзланьыс». Мӧдыс ветліс, видзӧдліс да шуис: «Ме нинӧм эг аддзы». «Мун, бара ветлы», – шуис кесйӧгыслы Илля. Тадзи сизимысь тшӧктіс ветлыны.

Ӧксыяслӧн 4 небӧг 5:10

Елисей мӧдӧдіс Нееман дінӧ юӧртысьӧс, тшӧктіс висьтавны сылы: «Мун Йӧрдан ю дорӧ да сизимысь мыссьы юас. Сэки тэнад кучикыд выльмас да лоас сӧстӧм».

Ӧксыяслӧн 4 небӧг 5:14

Сэки Нееман муніс Йӧрдан ю дорӧ да Ен мортлӧн шуӧм серти сизимысь дзумгысьліс юас. Нееман лои сӧстӧм, сылӧн кучикыс лои кагалӧн кодь.

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

2 Каднебӧг 20:17

Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

2 Каднебӧг 20:19

Кааф да Корей рӧдъясысь левитъяс сувтісны да пондісны гораа ошкыны Господьӧс, Израильлысь Енсӧ.

2 Каднебӧг 20:21

Войтырыскӧд сёрнитчӧм бӧрын Иосафат индіс сьылысьясӧс, медым найӧ вежа паськӧмӧн мунісны тышкайӧз водзын да ошкисны Господьӧс тайӧ кывъяснас: Ошкӧй Господьӧс, ӧд Сылӧн буралӧмыс оз помасьлы!

Иов 42:8

Та вӧсна босьтӧй сизим ӧшкӧс, сизим межӧс да мунӧй Менам Иов кесйӧг дінӧ. Вайӧй ас вӧснаныд сотан вись, а Менам Иов кесйӧгӧй кевмысяс тіян вӧсна. Ме сибӧда сылысь кевмысьӧмсӧ – тадзи тіянӧс ог янӧд сыысь, мый ті энӧ висьталӧй збыльсӧ Ме йылысь, кыдзи вӧчис Менам Иов кесйӧгӧй».

Исай 27:13

Сійӧ лунӧ ыджыд буксан букӧстас, сэки бӧр локтасны Ассур муӧ вошлӧмаяс да Египет муӧ вӧтлӧмаяс. Ерусалимын, вежа керӧс вылын, найӧ ставныс копыртчасны Господь водзӧ.

Левит 14:16

а веськыд кисьыс чуньсӧ выйнас кӧтӧдлӧмӧн сизимысь мед резас Господь водзын.

Левит 4:6

Сэсся вирнас мед кӧтӧдас ассьыс чуньсӧ да сизимысь резыштас Господь водзын Вежаинын, Вежасьыс-вежаинлӧн дӧра водзын.

Закар 4:2

Сійӧ юаліс менсьым: «Мый тэ аддзан?» Ме вочавидзи: «Аддза зарни бикок. Бикок вылас вый доз. Доз дорыш гӧгӧрыс – сизим би петанін, быд би петанінын ӧзъялӧ сизим петель.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Лыд 23:1

Валаам шуис Валаклы: «Вӧч меным татчӧ сизим висьпуктанін да вайӧд меным сизим ӧшкӧс да сизим межӧс».

Нав Исус 6:13

Медводдза луннас моз мӧд луннас тшӧтш кытшовтісны карсӧ ӧтчыдысь. Та бӧрын локтісны асланыс чомъясӧ. Тадзи вӧчисны квайт лун чӧж.

Нав Исус 6:3

Йитӧд куд водзвылын мед мунасны сизим поп. Быдӧн мед босьтас буксан. Сизимӧд луннас кар гӧгӧрыс кытшовтӧй сизимысь, а попъяс мед буксасны буксанӧн.

Нав Исус 6:5

Навлӧн Исус пиыс корис [израильса] попъясӧс да шуис налы: «Босьтӧй да нуӧй Йитӧд кудсӧ. Сизим поп мед мунасны буксанъясӧн Господьлӧн куд водзвылас».

Восьтӧм 1:20

Тэ аддзылін Менам веськыд киысь сизим кодзув, нӧшта аддзылін сизим зарни бикок. Налӧн гусяторйыс татшӧм: сизим кодзулыс – тайӧ сизим вичколӧн анделъяс, а сизим бикокыс, кодъясӧс тэ аддзылін, – тайӧ сизим вичко».

Восьтӧм 1:4

Иоан чолӧмалӧ асияса сизим вичкоӧс: буралӧм да лӧнь олӧм тіянлы Сысянь, коді эм, вӧлі и локтас, тшӧтш Сылӧн пуклӧс водзын олысь сизим ловсянь

Восьтӧм 10:3

и лев моз равӧстіс-горӧдіс ыджыд шыӧн. Сылӧн горӧдӧм бӧрын сизим гым кутісны гораа сёрнитны.

Восьтӧм 15:1

Сэсся енэжсьыс ме нӧшта на аддзи шензьӧдана да ыджыд индысьпас. Ме аддзи сизим анделӧс, кодъяслӧн вӧлі бӧръя сизим бырӧданторйыс. Тайӧ бырӧданторъяснас помасис Енлӧн скӧрлуныс.

Восьтӧм 15:7

Нёль ловъя олысь пӧвстысь ӧтиыс сетіс сизим анделлы сизим зарни чаша. Тайӧ чашаяссӧ вӧлі тыртӧма помтӧг олысь Енлӧн скӧрлунӧн.

Восьтӧм 16:1

Сэсся крамсьыс ме кылі гора гӧлӧс шы. Сійӧ шуис сизим анделлы: «Мунӧй да кисьтӧй Ен скӧрлуна сизим чашасӧ му вылӧ».

Восьтӧм 5:1

Юралан пуклӧсын Пукалысьлӧн веськыд киысь ме аддзи гартӧм гижӧд. Сэтчӧ вӧлі гижӧма кыкнанладорсяньыс, и сійӧс вӧлі тупкӧма сизим печатьӧн.

Восьтӧм 5:6

Сэсся ме видзӧдлі да аддзи Баляӧс. Сійӧ сулаліс юралан пуклӧс водзын, нёль ловъя олысь да юрнуӧдысьяс шӧрын. Балясӧ вӧлі быттьӧ начкӧма. Сылӧн вӧлі сизим сюр да сизим син. Сизим синмыс – тайӧ Енлӧн сизим лолыс, кодъясӧс мӧдӧдӧма став му пасьталаыс.

Восьтӧм 8:2

Ме аддзи Ен водзын сулалысь сизим анделӧс, налы вӧлі сетӧма сизим труба.

Восьтӧм 8:6

Сэки сизимнан анделыс, кодъяслӧн вӧлі сизим труба, дасьтысисны тутсыны.