Нав Исус 6:18 - Коми Библия 2023

¹⁸ Став эзысь-зарнисӧ, ыргӧн да кӧрта кӧлуйсӧ колӧ вежӧдны-торйӧдны Господьлы да вайны Сылы озырлун видзанінӧ».

Нав Исус 6:18 Kruisverwysings

Ӧксыяслӧн 2 небӧг 21:1

Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Еклесиаст 9:18

Мывкыдлуныд шыпурт дорысь бурджык, но ӧти мыжа морт бырӧдӧ уна буртор.

Иона 1:12

Иона шуис: «Шыбитӧй менӧ саридзӧ, сэки сійӧ лӧняс. Ме тӧда, мый тайӧ ыджыд бушколыс кыптіс ме понда».

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

Индӧд 13:17

Господьлы сиӧмторъясысь тіян киӧ мед нинӧм оз веськав. Сӧмын ставсӧ бырӧдӧм бӧрын Господь дугдас скӧравны, бурсьӧлӧмтчас да жалитас тіянӧс, сетас тіянлы уна ныв-пиӧс, кыдзи [висьталіс тіянлы да] кыв сетӧмӧн кӧсйысис тіян батьяслы.

Индӧд 23:10

Кодлӧн войнас петас кӧйдысыс, и сійӧ лоӧ пеж, сылы колӧ петны чомъяс сайӧ да кольччыны сэтчӧ.

Индӧд 7:26

Зывӧкторсӧ энӧ пыртӧй асланыд керкаясӧ, медым зывӧкторсӧ моз тіянӧс эз бырӧдны. Мустӧмтӧй-зывӧктӧй идолъясӧс, найӧс колӧ дзикӧдз бырӧдны».

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.

Нав Исус 7:1

Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Нав Исус 7:13

Чеччы! Вежӧд войтыртӧ да висьтав налы, мед асывводз кежлас вежӧдасны-сӧстӧммӧдасны асьнысӧ, ӧд Господь, Израильлӧн Ен, тадзи висьталӧ: Израиль войтыр, тіян пӧвстын эмӧсь ёрӧм улӧ веськалӧмаяс. Кытчӧдз онӧ бырӧдӧй найӧс ас пӧвстсьыныд, вӧрӧгнытӧ онӧ вермӧй.

Нав Исус 7:15

Кор лоӧ аддзӧма Господьлы сиӧмтор босьтысь мортӧс, сотӧй биын сійӧс да ставсӧ, мый сылӧн эм. Ӧд сійӧ шогмытӧмтор вӧчис Израильын да торкис Господьлысь йитӧдсӧ, мый Сійӧ кӧрталіс тіянкӧд».

Нав Исус 7:25

Исус шуис: «Сыысь, мый тэ вайин миянлы шог, Господь вайӧ талун шогсӧ тэныд». Израильсаяс изъялісны Аканӧс да сылысь котырсӧ, сэсся сотісны да тыртісны изъясӧн.

1 Иоан 5:21

Челядь, видзӧй асьнытӧ идолъясысь. Аминь.

Ӧксыяслӧн 1 небӧг 15:9

Саул аслас йӧзкӧд жалитісны Агаг ӧксыӧс. Амаликъяслысь медбур ыжъяссӧ, ӧшъяссӧ, тшӧгӧдӧм баляяссӧ да став дона эмбурсӧ эз кӧсйыны бырӧдны, бырӧдісны сӧмын ковтӧмсӧ да лёкджыксӧ.