Нав Исус 5:1 - Коми Библия 2023

¹ Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.

Нав Исус 5:1 Kruisverwysings

Олӧм 12:6

Ӧврам кытшовтіс тайӧ мусӧ да матыстчис Сикемлань. Сійӧ сувтіс Морэ нима тупу дорӧ. Сэки тайӧ муас оліс ханаан войтыр.

Олӧм 48:22

Вокъясыдлы дорысь ме тэныд унджык сета – аслам шыпуртӧн да ньӧввужйӧн аморейяслысь босьтӧм му».

Ӧксыяслӧн 2 небӧг 21:2

Давид корис Гаваонысь йӧзӧс, мед сёрнитны накӧд. Гаваонсаяс эз вӧвны израильсаясӧн, найӧ петлӧмаӧсь аморей войтырысь. Израильсаяс коркӧ кыв сетлӧмаӧсь, мый оз вӧчны налы лёксӧ. Но Израиль да Иуда войтыр вӧсна Саул кӧсйис бырӧдны найӧс.

Ӧксыяслӧн 3 небӧг 10:5

аддзыліс, кутшӧм озыр Соломонлӧн пызаныс, кыдзи кесъялӧны, олӧны да пасьтасьӧны сылӧн йӧзыс, кесйӧгъясыс да вина кисьталысьясыс. Аддзыліс тшӧтш пемӧсъясӧс, кодъясӧс Соломон вайис сотан вись пыдди Господьлӧн крамын. Ёна шензьӧмӧн ӧксы-ань

Ездра 9:1

Тайӧ лоӧмторъясыс бӧрын локтісны ме дінӧ израильса юралысьяс да шуисны: «Израиль войтыр, попъяс да левитъяс абу торйӧдчӧмаӧсь ханаан, хеттей, перезей, евус, аммон, моав, египет да аморей войтыръясысь, и на моз вӧчӧны быд пежсӧ.

Псалтыр 135:11

Сійӧ петкӧдіс Израиль войтырӧс Египетысь, Сылӧн буралӧмыс оз помасьлы.

Петӧм 23:28

Ме мӧдӧда гырысь зіясӧс, найӧ вӧтласны тіян водзысь [аморей,] хивей, [евус,] ханаан да хеттей войтыръясӧс.

Исай 41:5

Саридз дорын олысьяс аддзисны, мый Ме вӧчи, найӧ повзисны, мулӧн быд пельӧс пондіс тіравны. Найӧ матыстчисны ӧта-мӧд дінас да ӧтвывтчисны.

Езекиль 16:3

Шу, мый Господь Ыджыдыс тадзи висьталӧ Ерусалимлы: тэ чужин Ханаан муын, и сэні тэнад вужйыд. Тэнад батьыд аморей войтырысь, а мамыд хеттей войтырысь.

Езекиль 21:7

И кор найӧ юаласны тэнсьыд, мыйла тэ ойзан-бӧрдан, налы шу, мый локтана юӧръяс вӧсна бӧрдан. Сэки сьӧлӧмъяс пондасны тіравны, кияс лёткысясны, пидзӧсъяс дзӧрмасны-лигышмунасны. Быд морт весьӧпӧрас. Тайӧ збыльмас, – висьталӧ Господь Ыджыдыс».

Даниил 5:6

ёна повзис, чужӧмыс сылӧн кельдӧдіс, кокыс лигышмуніс, пидзӧсыс пондіс дзӧрны.

Амос 2:9

Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.

Лыд 13:29

Но сэтчӧс войтырыс ён, и найӧ олӧны зэв ыджыд изкаръясын. Ми аддзылім весиг Енаксянь чужысьясӧс.

Нав Исус 17:12

Манассейсянь чужысьяс эз вермыны босьтны аслыныд тайӧ каръяссӧ, та вӧсна ханаансаяс кольччисны овны тайӧ муас.

Нав Исус 17:18

вичмас тшӧтш керӧсвыв муыс. Ті пӧрӧданныд сэтысь вӧрсӧ, и муыс помсянь помӧдзыс тіян лоӧ. Ті вӧтланныд [да верманныд] ханаансаясӧс, мед кӧ найӧ ёнӧсь, и налӧн эмӧсь тышӧ ветлан тарантасъяс».

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Нав Исус 3:16

ваыс дугдіс визувтны да сувтіс стенӧн ылӧ, Адам кар дорӧ, мый Цартан карсянь матын. А визувтысь ваыс лэччис ковтысса Сола саридзӧ да бырис.

Нав Исус 3:17

Войтырыс вуджис Йӧрдан юсӧ Ерикон кар весьтӧд. Господьлысь Йитӧд куд нуысь попъяс сулалісны Йӧрдан ю шӧрын косінас, кытчӧдз Израиль пиян эз вуджны Йӧрдан юсӧ косінті.

Восьтӧм 18:10

Найӧ повзясны сылӧн мучитчӧмысь да ылыстчасны сыысь. Шуасны: – Курыд шог тэныд, Вавилон, ыджыд да вына кар! Ӧти здукӧн суис тэнӧ мыждӧмыс!

Ёрдысьяс 1:1

Исуслӧн кулӧм бӧрын Израиль пиян юасисны Господьлысь: «Коді миян пӧвстысь медводдзаӧн петас ханаансаяслы паныд тышӧ?»

Ёрдысьяс 11:23

Господь, Израильлӧн Ен, вӧтліс аморейясӧс Аслас Израиль войтыр водзысь. А ӧні тэ, аммонса ӧксы, кӧсъян босьтны тайӧ мусӧ аслыд?

Ёрдысьяс 3:3

Ханаан муӧ вӧлі кольӧма филистимса вит юралысьӧс да ливанса керӧсъяс вылын Ваал-Ермон керӧссянь Лево-Хаматӧдз олысь ханаансаясӧс, сидонсаясӧс да хивейясӧс.

Ёрдысьяс 4:2

Господь сетіс найӧс Хацорын юралысь ханаанса Явин ӧксы киӧ. Сылӧн тышкайӧзнас веськӧдліс Сисар, коді оліс Харошет-Гоим карын.

Ӧксыяслӧн 1 небӧг 25:37

Асывнас, кор Навал паляліс, гӧтырыс висьталіс сылы ставсӧ. Сэки Наваллысь сьӧлӧмсӧ топӧдіс, и сійӧ эз вермы вӧрзьӧдчынысӧ.