Нав Исус 4:9 - Коми Библия 2023

⁹ Нӧшта дас кык из Исус сувтӧдіс Йӧрдан ю шӧрӧ, кӧні сулалісны [Господьлысь] Йитӧд куд нуысь попъяс. Ӧнӧдз тайӧ изъясыс сэнӧсь.

Нав Исус 4:9 Kruisverwysings

Олӧм 26:33

Исаак пуктіс юкмӧслы Шива ним. Та вӧсна ӧнӧдз тайӧ карыслӧн нимыс Бер-Шева.

Олӧм 28:18

Асывводзнас Яков босьтіс изсӧ, мый вылын юрсӧ пуктӧмӧн узис, сувтӧдіс сійӧс вежа пас пыдди да кисьтіс сы вылӧ олив вый.

Ӧксыяслӧн 2 небӧг 4:3

кор сэтчӧс олысьяс пышйисны Гиттаймӧ. Найӧ ӧнӧдз сэні олӧны.

Ӧксыяслӧн 3 небӧг 18:31

Сійӧ босьтіс дас кык из – Яковсянь петӧм чужанкотыръяслӧн лыдыс серти. Яковлы коркӧ Господь шуис: «Тэнад нимыд лоӧ Израиль».

2 Каднебӧг 5:9

Потшъясыс вӧліны сэтшӧм кузьӧсь, мый налысь помсӧ мортыс вермис аддзыны Вежасьыс-вежаин водзвылын ортсы вежӧсас сулалігӧн. Но ылыстчыны кӧ, потшъясыс эз тыдавны. Йитӧд кудйыс ӧнӧдз сэні сулалӧ.

Петӧм 24:12

Господь шуис Мӧисейлы: «Кай Ме дінӧ керӧс вылӧ да виччысь тані. Ме сета тэныд изпӧвъяс, кытчӧ Ме гижи Индӧд да тшӧктӧмъяс, медым велӧдны войтырӧс».

Петӧм 28:21

Израиль пиянлӧн дас кык ним серти изйыс мед лоӧ дас кык. Быд из вылӧ колӧ вундалӧмӧн гижны ӧти чужанкотырлысь нимсӧ [Израиль пиянлӧн чужан во сертиыс].

Матвей 27:8

Та вӧсна тайӧ муыслы пуктісны ”Вир му” ним, тадзи ӧнӧдз на нимтӧны.

Матвей 28:15

Шыпуртаяс босьтісны сьӧмсӧ да вӧчисны аркирейяслӧн тшӧктӧм серти. Тайӧ юӧрыс паськаліс иудейяс пӧвстын, весиг ӧнӧдз на олӧ.

Индӧд 34:6

Господь дзебис сійӧс Бет-Пеорлы воча ковтысӧ Моав муын, и весиг ӧнӧдз некод оз тӧд, кӧні сылӧн дзебаніныс.

Нав Исус 24:26

Исус гижис тайӧ тшӧктӧмъяссӧ Енлӧн Индӧд небӧгӧ. Сэсся босьтіс ыджыд из да пуктіс сійӧс Господьлӧн вежаинӧ тупу улӧ.

Нав Исус 4:10

[Господьлысь] Йитӧд куд нуысь попъяс сулалісны Йӧрдан ю шӧрын, кытчӧдз эз вӧв вӧчӧма ставсӧ, мый Господь тшӧктіс Исус пыр войтырыслы. Исус вӧчис ставсӧ сідзи, кыдзи тшӧктіс Мӧисей. Войтырыс тэрмасьӧмӧн вуджис юсӧ.

Ёрдысьяс 1:26

Тайӧ мортыс муніс хеттейяслӧн муӧ, кыпӧдіс сэні кар да сетіс карыслы Луз ним. Тайӧ карыс ӧнӧдз тадзи шусьӧ.

Ӧксыяслӧн 1 небӧг 30:25

Тайӧ кадсяньыс и ӧнӧдз Израильын тайӧ тшӧктӧмыс вына.

Ӧксыяслӧн 1 небӧг 7:12

Самуил босьтіс из да сувтӧдіс сійӧс Миспа да Шен каръяс костӧ. Самуил сетіс изйыслы Эвен-Эзер ним да шуис, тайӧ местаӧдзыс пӧ Господь отсаліс миянлы.