Нав Исус 4:14 - Коми Библия 2023

¹⁴ Тайӧ лунӧ Господь нимӧдіс Исусӧс став Израильлӧн син водзын. Мӧисейӧс моз войтырыс пыдди пуктіс Исусӧс став сылӧн олан лунъяс чӧжыс.

Нав Исус 4:14 Kruisverwysings

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Ӧксыяслӧн 4 небӧг 2:15

Ериконысь локтӧм пророк-велӧдчысьяс аддзылісны, мый вӧчис Елисей, да шуисны, Иллялӧн лолыс пӧ Елисей вылын. Найӧ матыстчисны Елисей дінӧ да муӧдзыс копыртчӧмӧн

1 Каднебӧг 29:25

Господь кыпӧдіс Соломонӧс став Израиль войтыр водзын да сетіс сылы сэтшӧм нималӧм, мый татшӧм нималӧмыс израильса ӧксыяслӧн эз вӧвлы.

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

Петӧм 11:3

Господь небзьӧдіс египетсалысь сьӧлӧмсӧ Израиль войтыр дінӧ [и египетсаяс сетісны налы корӧмторъяссӧ]. Мӧисейӧс ӧд пыдди пуктісны Египет муын [фараон,] фараонлы кесъялысь йӧз и став войтырыс.

Петӧм 14:31

найӧ гӧгӧрвоисны, мый Ачыс Господь вына кинас вӧчис тайӧс египетсакӧд. Израиль войтырӧс босьтіс Господьысь полӧм. Найӧ эскисны Господьлы да Сылӧн Мӧисей кесйӧглы. Сэки Мӧисей да Израиль войтыр сьылісны Господьлы сьыланкыв.

Шусьӧгъяс 24:21

Пиӧй, Господьысь да ӧксыысь пов, паныд кыпӧдчысьяскӧд эн волысь,

Римӧ 13:4

Юралысь – Енлӧн кесйӧг, сійӧс пуктӧма тэныд бур вылӧ. Вӧчан кӧ лёксӧ, пов! Оз ӧд весьшӧрӧ сійӧ новлӧдлы шыпурт. Сійӧ – Енлӧн кесйӧг, вермӧ чорыда дойдны лёк вӧчысьӧс.

1 Коринфӧ 10:2

Найӧ ставныс пыртчисны кымӧрын да саридзын да лоисны Мӧисей бӧрся мунысьясӧн.

Нав Исус 3:7

Господь шуис Исуслы: «Талун Ме нимӧда тэнӧ став Израиль войтыр водзын. Найӧ тӧдмаласны, мый Ме тэкӧд, кыдзи вӧлі и Мӧисейкӧд.

Нав Исус 4:13

Нелямын сюрс гӧгӧр тышкаморт восьлалісны Господьлӧн куд водзвылын Ерикон ковтыслань, медым петны тышӧ.

Нав Исус 4:15

Господь шуис Исуслы:

Ӧксыяслӧн 1 небӧг 12:18

Самуил шыасис Господь дінӧ, и Господь ыстіс сійӧ лунӧ гым да зэр. Ставнысӧ полӧм босьтіс Господьысь да Самуилысь.