Нав Исус 4:12 - Коми Библия 2023

¹² Рувим да Гад чужанкотыръясысь да Манассейлӧн джын чужанкотырысь тышкайӧз мунісны Израиль пиян водзвылын, кыдзи тшӧктыліс налы Мӧисей.

Нав Исус 4:12 Kruisverwysings

Петӧм 13:18

Та вӧсна Ен нуӧдіс войтырсӧ Гӧрд саридзлань кытшола туйӧд, овтӧминті. Израиль войтыр петіс Египет муысь тышкайӧз моз чукӧръясӧн.

Лыд 1:24

Гад чужанкотырысь кызь арӧса да ыджыдджык арлыда айуловӧс, кодъяс вермисны петны тышӧ, вӧлі арталӧма-гижалӧма нимъяснас рӧд да котыр сертиныс.

Лыд 32:17

а асьным ми босьтам шыпуртнымӧс, медводдзаясӧн петам тышӧ да отсалам Израиль пиянлы воны налӧн муӧ. Но челядьным мед кольччасны татчӧ да оласны изкаръясын, медым татчӧс олысьяс эз вӧрӧдны найӧс.

Индӧд 3:18

Тайӧ чужанкотыръяслы ме шуи: ”Господь, тіян Енныд, сетіс тіянлы тайӧ мусӧ. Быдӧн, коді вермӧ петны тышӧ, мед босьтас шыпуртсӧ да мунас аслас вокъяс, Израиль пиян, водзвылын.

Индӧд 33:21

Аслыс сійӧ бӧрйис медбур му, сылы сетӧма юралысьлысь пай. Войтырлӧн юралысьяскӧд сійӧ локтіс, Господьлӧн веськыд кӧсйӧм серти вӧчис, Господьлысь веськыда мыждӧмсӧ Израильын збыльмӧдіс.

Нав Исус 1:14

Ӧні тіян гӧтырныд, ныв-пиныд да ыж-мӧсныд мед кольччасны тайӧ муас, мый Мӧисей сетіс тіянлы Йӧрдан таладорысь. А ті, кодъяс верманныд петны тышӧ, босьтӧй шыпуртнытӧ, да вокъясныд водзвылын вуджӧй Йӧрдан ю сайӧ. Отсалӧй вокъясныдлы,

Нав Исус 4:11

Став войтырыслӧн вуджӧм бӧрын Господьлысь [Йитӧд] куд нуысь попъяс вуджисны да бара сувтісны мунны войтырыс водзвылын.

Нав Исус 4:13

Нелямын сюрс гӧгӧр тышкаморт восьлалісны Господьлӧн куд водзвылын Ерикон ковтыслань, медым петны тышӧ.