Нав Исус 4:10 - Коми Библия 2023

¹⁰ [Господьлысь] Йитӧд куд нуысь попъяс сулалісны Йӧрдан ю шӧрын, кытчӧдз эз вӧв вӧчӧма ставсӧ, мый Господь тшӧктіс Исус пыр войтырыслы. Исус вӧчис ставсӧ сідзи, кыдзи тшӧктіс Мӧисей. Войтырыс тэрмасьӧмӧн вуджис юсӧ.

Нав Исус 4:10 Kruisverwysings

Петӧм 12:39

Египетысь петкӧдӧм кӧтасысь израильсаяс пӧжалісны шомтӧм нянь, ӧд сійӧ эз на удит шоммынысӧ, кор найӧс тэрмӧдлӧмӧн вӧтлісны Египет муысь. Найӧ эз слӧймыны весиг дасьтыны сёян, мед босьтны туяныс.

Шусьӧгъяс 27:1

Аскиа луныс мый ваяс – он тӧд, сідзкӧ, водзвывсӧ эн ошйысь.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

2 Коринфӧ 6:2

Енмыс ӧд тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Со ӧні бур кадыс, со ӧні мездман луныс.

Индӧд 31:9

Мӧисей гижис да сетіс тайӧ Индӧдсӧ Израиль войтырлӧн юрнуӧдысьяслы да попъяслы, Левий пиянлы, кодъяс новлӧдлісны Господьлысь Йитӧд кудсӧ.

Нав Исус 24:11

Ті вуджинныд Йӧрдан ю да локтінныд Ерикон кар дорӧ. Ериконса олысьяс, аморейяс, перезейяс, ханаансаяс, хеттейяс, гергесейяс, хивейяс да евуссаяс тышӧ петісны тіянлы паныд, но найӧс Ме сеті тіян киӧ.

Нав Исус 3:13

Став му пасьтала ыджыдалысь Господьлысь Йитӧд куд нуысь попъяс кор тувччасны Йӧрдан юӧ, сэки ваыс дугдас визувтны да сувтас стенӧн».

Нав Исус 4:11

Став войтырыслӧн вуджӧм бӧрын Господьлысь [Йитӧд] куд нуысь попъяс вуджисны да бара сувтісны мунны войтырыс водзвылын.

Нав Исус 4:9

Нӧшта дас кык из Исус сувтӧдіс Йӧрдан ю шӧрӧ, кӧні сулалісны [Господьлысь] Йитӧд куд нуысь попъяс. Ӧнӧдз тайӧ изъясыс сэнӧсь.