Нав Исус 3:10 - Коми Библия 2023

¹⁰ Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.

Нав Исус 3:10 Kruisverwysings

Олӧм 15:21

аморейяс, ханаансаяс, [хивейяс,] гергесейяс да евуссаяс».

Ӧксыяслӧн 3 небӧг 22:28

Микей шуис ӧксылы: «Тэ кӧ локтан тыш вылысь ловйӧн, сідзкӧ, эз Господь ме пыр сёрнит». Нӧшта шуис: «Кывзӧй, войтыръяс!»

Ӧксыяслӧн 4 небӧг 19:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

1 Каднебӧг 1:14

Ханаан рӧдысь петісны тшӧтш евуссаяс, аморейяс, гергесейяс,

Псалтыр 42:2

Тэ ӧд менӧ дорйысь Ен. Мыйла Тэ эновтін менӧ, мыйла меным лоӧ шогсьыны мустӧмтысьяслӧн дзескӧдӧмысь?

Псалтыр 9:16

Войтыръяс усисны гуӧ, кодӧс асьныс кодйисны. Налӧн кокныс шедіс налькйӧ, кодӧс асьныс пуктісны.

Петӧм 17:7

Татчӧсінлы Мӧисей сетіс Масса да Мерива ним, ӧд Израиль пиян дӧзмӧдісны Господьӧс да шуасисны: «Миянкӧд-ӧ Господь али абу?»

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 33:2

Ме мӧдӧда [Ассьым] анделӧс тэ водзын, вӧтла ханаансаясӧс, аморейясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Осий 1:10

– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».

Лыд 13:29

Но сэтчӧс войтырыс ён, и найӧ олӧны зэв ыджыд изкаръясын. Ми аддзылім весиг Енаксянь чужысьясӧс.

Матвей 16:16

Симон-Петыр вочавидзис: «Тэ – Кристос, ловъя Енлӧн Пи».

Иоан 6:69

Ми эскам да тӧдам: Тэ – Кристос, ловъя Енлӧн Пи».

Индӧд 31:17

Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.

Индӧд 5:26

Кывліс-ӧ кодкӧ миян моз би пытшсянь сёрнитысь ловъя Енлысь гӧлӧс шысӧ, и ловйӧн колис?

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.

1 Фессалоникаӧ 1:9

Миянлы быдлаын висьтавлӧны, кыдзи ті сибӧдінныд миянӧс да бергӧдчинныд идолъясысь. Ті кутінныд кесъявны збыль да ловъя Енлы

Еврейяслы 10:31

Ёна повзьӧдана веськавны ловъя Енлӧн киӧ!

Нав Исус 11:3

Явин ӧксы ыстіс ассьыс йӧзсӧ тшӧтш асыввылын да саридз бокын олысь ханаансаяс дінӧ, керӧсвыв муын олысь аморейяс, хеттейяс, перезейяс да евуссаяс дінӧ, тшӧтш хивейяс дінӧ, кодъяс олісны Ермон бокын Миспа муын.

Нав Исус 12:8

Юклӧм муас пырисны керӧсвыв му, рытыввыв да асыввыв керӧсбердса муяс, Йӧрдан ковтыс, овтӧмин да Негев му. Тайӧ муясын олісны хеттейяс, аморейяс, ханаансаяс, перезейяс, хивейяс да евуссаяс.

Нав Исус 21:45

Ставыс, мый Господь кӧсйысис Израиль войтырлы, иніс. Нинӧм эз коль збыльмытӧг.

Нав Исус 22:31

Пинес поп, Элазарлӧн пиыс, шуис Рувимсянь, Гадсянь да Манассейсянь чужысьяслы: «Талун ми тӧдмалім, мый Господь миянкӧд, и ті энӧ эновтӧй Господьӧс. Сідзкӧ, Господь оз кут мыждыны Израиль войтырӧс».

Нав Исус 24:11

Ті вуджинныд Йӧрдан ю да локтінныд Ерикон кар дорӧ. Ериконса олысьяс, аморейяс, перезейяс, ханаансаяс, хеттейяс, гергесейяс, хивейяс да евуссаяс тышӧ петісны тіянлы паныд, но найӧс Ме сеті тіян киӧ.

Нав Исус 3:9

Исус шуис Израиль пиянлы: «Матыстчӧй да кывзӧй асланыд Господь Енлысь кывсӧ».

Нав Исус 9:1

Тайӧ лоӧмторъяс йывсьыс тӧдмалісны [аморейяслӧн] став ӧксыыс, кодъяс олісны Йӧрдан ю рытыввыв муын: керӧсвыв муын, керӧсбердса муын, Ыджыд саридз пӧлӧн да Ливан дорын. Тайӧ вӧліны хеттейяс, аморейяс, [гергесейяс,] ханаансаяс, перезейяс, хивейяс да евуссаяс.

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Ӧксыяслӧн 1 небӧг 26:6

Давид шыасис хеттей войтырысь Ахимелек дінӧ да Саруялӧн Авишай пи дінӧ, Йоавлӧн вокыс дінӧ: «Коді мунас мекӧд Саул дінӧ?» Авишай вочавидзис: «Ме муна».