Нав Исус 3:1 - Коми Библия 2023

¹ Водз асывнас Исус да став Израиль войтыр мӧдӧдчисны Ситтимысь да воисны Йӧрдан ю дорӧ, но эз вуджны сійӧс.

Нав Исус 3:1 Kruisverwysings

Олӧм 21:14

Ӧвраам чеччис водз асывнас, босьтіс нянь да кучик дозйын ва, ӧшӧдіс нопсӧ Агарлы пельпом вылас да ыстіс сійӧс пиыскӧд. Агар муніс да вошис Бер-Шева овтӧминын.

Олӧм 22:3

Ӧвраам чеччис водз, босьтіс осёлсӧ, кык кесйӧгӧс да Исаак писӧ. Сэсся поткӧдліс пес, медым вайны сотан вись, да мӧдӧдчис сэтчӧ, кытчӧ тшӧктіс сылы Ен.

Еремей 25:3

«Иудаса Иосей ӧксылӧн, Амон пилӧн, дас коймӧд веськӧдлан восянь да ӧніӧдз, кызь куим во чӧж меным вӧлі Господьсянь кыв. Выльысь и выльысь ме висьтавлі тіянлы, но ті энӧ кывзӧй.

Еремей 26:5

да онӧ кутӧй кывзыны Меным кесъялысь пророкъяслысь кывъяссӧ, сэки тайӧ крамыскӧд Ме вӧча Силом каркӧд моз, а тайӧ карыслысь нимсӧ Ме вӧча ёран кывйӧн мувывса войтыръяслы. Ӧд Ме выльысь и выльысь ыстылі пророкъясӧс тіян дінӧ, но ті энӧ кывзӧй найӧс».

Еремей 7:13

Ті на моз жӧ вӧчанныд пежсӧ, – висьталӧ Господь. – Ме дугдывтӧг висьталі тіянлы, но ті энӧ кывзӧй, Ме чуксалі тіянӧс, но ті энӧ вочавидзӧй.

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Лыд 25:1

Ситтим ковтысын олігӧн израильсаяс кутісны кырсавны моавса нывъяскӧд.

Марк 1:35

Аскинас, югдытӧдзыс на, Исус чеччис да муніс кевмысьны овтӧминӧ.

Нав Исус 2:1

Ситтимсянь Навлӧн Исус пиыс гусьӧн мӧдӧдіс кык кыйӧдчысьӧс. Налы шуис: «Ветлӧй тӧдмавны Ханаан мусӧ да Ерикон карсӧ». Найӧ мунісны [Ериконӧ] да пырисны керкаӧ, кӧні оліс Раав нима кырсалысь ань. Найӧ узьмӧдчисны сы ордӧ.

Нав Исус 6:12

Господьлӧн куд водзвылас мунісны сизим поп да буксісны буксанӧн. Попъяс водзвылын мунісны шыпуртаяс, а Господьлӧн [Йитӧд] куд бӧрся мунісны мукӧд тышкайӧз. Мунігчӧжныс дугдывтӧг буксісны буксанӧн.

Нав Исус 6:15

Кар гӧгӧрыс сизимӧдысь кытшовтігӧн да попъяслӧн буксанӧн буксігӧн Исус тшӧктіс войтырыслы: «Горӧдӧй! Господь сетіс тіянлы карсӧ.

Нав Исус 7:16

Мӧд луннас Исус чеччис водз, тшӧктіс Израиль войтырлы матыстчыны чужанкотыр сертиныс. Вӧлі индӧма Иуда чужанкотыр вылӧ.

Нав Исус 8:10

Водз асывнас Исус кытшовтіс тышкайӧзсӧ, сэсся израильса юрнуӧдысьяскӧд сувтіс тышкайӧз водзвылӧ, и найӧ мӧдӧдчисны Гайлань.

Ёрдысьяс 20:19

Асывнас израильса тышкайӧз сувтісны Гива кар дорӧ,

Ӧксыяслӧн 1 небӧг 17:20

Давид чеччис водз асывнас да колис ыжъяссӧ мӧд видзысьлы. Сэсся босьтіс сёян тыра нопсӧ да муніс вокъяс дінас, кыдзи тшӧктіс сылы Ессей батьыс. Кор Давид локтіс израильса тышкайӧзлӧн чукӧртчанінӧ, тышкайӧз сулалісны визьӧн-визьӧн да лӧсьӧдчисны гораа горзӧмӧн петны тышӧ.