Нав Исус 24:20 - Коми Библия 2023

²⁰ Ті кӧ эновтанныд Господьӧс да кутанныд кесъявны мукӧд енъяслы, Сійӧ лэдзас лёксӧ тіян олӧмӧ да бырӧдас тіянӧс, мед кӧ весиг водзынсӧ Сійӧ бур вӧчис тіянлы».

Нав Исус 24:20 Kruisverwysings

1 Каднебӧг 28:8

Ӧні Господьлӧн став Израиль войтыр водзын да миян Ен водзын тшӧкта: зумыда кутчысьӧй асланыд Господь Енлӧн тшӧктӧмъясӧ. Сэки тайӧ бур муыс лоӧ тіян, и ті вичмӧданныд сійӧс асланыд челядьныдлы пыр кежлӧ.

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Ездра 8:22

Меным яндзим вӧлі корны ӧксылысь тышкайӧзӧс да вӧлаясӧс, мед видзасны миянӧс туяным вӧрӧгысь. Ми ӧд шуим ӧксылы, мый миян Енным видзӧ Сы дінӧ шыасьысьясӧс, а кодъяс ӧтдортӧны Сійӧс, на вылӧ лэччӧ Сылӧн повзьӧдана выныс да скӧрлуныс.

Исай 1:28

Паныд кыпӧдчысьясӧс да мыж вӧчысьясӧс виччысьӧ кулӧм, Господьӧс эновтысьясӧс – бырӧдӧм.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Езекиль 18:24

Веськыда олысь кӧ кежас аслас веськыдлунысь да лёк вӧчысь моз пондас вӧчны зывӧксӧ, кутас-ӧ сійӧ овны? Сылысь веськыд уджъяссӧ лоӧ вунӧдӧма. Менӧ эновтӧм да мыж вӧчӧм вӧснаыс сійӧ кулас.

Ап. уджъяс 7:42

Енмыс бергӧдчис наысь да эновтіс найӧс юрбитны тӧлысь-кодзувъяслы. Та йылысь гижӧма пророкъяслӧн небӧгын: – Израиль войтыр! Нелямын во чӧжнас овтӧминын вайлінныд-ӧ ті Меным начкӧм ыж-мӧскӧс да мукӧд вись?

Индӧд 4:25

Сійӧ муас олігӧн, кор тіян чужасны ныв-пи, и налӧн чужасны челядь, видзчысьӧй, медым энӧ сетчӧй пежас да энӧ вӧчӧй некутшӧм бӧлбанӧс либӧ серпасалӧм идолӧс. Татшӧм шогмытӧмсӧ кӧ вӧчанныд Господь Енныд водзын, ті дӧзмӧданныд Сійӧс.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.

Еврейяслы 10:38

Веськыда олысь эскӧмнас кутас овны, а кежас кӧ Меысь, Меным сійӧ оз шогмы.

Нав Исус 24:21

Войтырыс вочавидзис Исуслы: «Ми кутам кесъявны Господьлы».

Ӧксыяслӧн 1 небӧг 12:15

Онӧ кӧ кутӧй кывзыны Господьӧс, а Сылы паныд кыпӧдчанныд, сэки Господь лэптас Ассьыс кисӧ тіянлы паныд, кыдзи лэптіс кисӧ батьясныдлы паныд.

Ӧксыяслӧн 1 небӧг 12:25

А кутанныд кӧ водзӧ вӧчны лёксӧ, сэки куланныд ті, и тіян ӧксыныд».